ऑलिम्पिक स्पर्धेपूर्वी प्रायव्हेट पार्ट मोठा करण्यासाठी इंजेक्शन घेतायत खेळाडू; कशासाठी एवढे खटाटोप...

Winter Olympics 2026 Penisgate : २०२६ हिवाळी ऑलिम्पिकमध्ये 'पेनिस-गेट' प्रकरणामुळे खळबळ. स्की जंपर्सनी हायलरुरोनिक ॲसिड वापरून स्की सूटचा आकार वाढवल्याचा आरोप.

२०२६ च्या मिलानो कोर्टिना हिवाळी ऑलिम्पिक स्पर्धेला सुरुवात होण्यापूर्वीच एका विचित्र आणि धक्कादायक प्रकरणामुळे क्रीडा विश्व हादरले आहे. या प्रकरणाला 'पेनिस-गेट' असे नाव देण्यात आले असून, स्की जंपिंग खेळातील काही खेळाडू चक्क आपल्या गुप्तांगात 'हायरुरोनिक ॲसिड' टोचून घेत असल्याचा संशय व्यक्त केला जात आहे.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

स्की जंपिंगमध्ये खेळाडूच्या शरीराच्या मोजमापानुसार त्याचा 'स्की सूट' तयार केला जातो. जर एखाद्या खेळाडूच्या गुप्तांगाचा आकार वाढलेला असेल, तर नियमानुसार त्याला थोडा मोठा 'स्की सूट' मिळतो. वैज्ञानिक संशोधनानुसार, जर सूटचा आकार २ सेंटीमीटरने जरी वाढला, तरी हवेचा रोध ४ टक्क्यांनी कमी होतो आणि हवेत राहण्याची क्षमता ५ टक्क्यांनी वाढते. यामुळे खेळाडूला सुमारे ५.८ मीटर जास्त लांब उडी मारण्यास मदत होऊ शकते. हा अतिरिक्त फायदा मिळवण्यासाठी खेळाडू हायलरुरोनिक ॲसिडचे इंजेक्शन घेत असल्याचे समोर आले आहे. जेवढा मोठा सूट तेवढे पायाचा व्ही शेप रुंदावता येतो. यामुळे तेवढी जास्त लांब झेप घेता येते. याचे जादा गुण मिळतात. नेमका याच गोष्टीचा फायदा हे खेळाडू घेत असल्याचा आरोप करण्यात आला आहे.  

जागतिक उत्तेजक विरोधी संघटनेची भूमिका
'वाडा'चे अध्यक्ष विटोल्ड बांका यांनी या प्रकरणाची दखल घेतली असून, या प्रकरणाची सखोल चौकशी करण्याचे आश्वासन दिले आहे. हायलरुरोनिक ॲसिड हे सध्या 'बॅन्ड' पदार्थांच्या यादीत नाही, परंतु कामगिरी सुधारण्यासाठी अशा प्रकारे त्याचा वापर करणे हे खेळाच्या नैतिकतेच्या विरोधात आहे का, याची तपासणी 'वाडा'ची समिती करणार आहे.

धोकादायक परिणाम
वैद्यकीय तज्ज्ञांच्या मते, हे कृत्य केवळ अनैतिकच नाही तर अत्यंत जीवघेणेही आहे. चुकीच्या पद्धतीने घेतलेल्या इंजेक्शनमुळे गुप्तांगाला संसर्ग होणे, वेदना होणे, कायमचे विद्रुपीकरण होणे आणि दुर्मिळ प्रसंगी 'गँग्रीन' होऊन ते अंग कापून टाकावे लागण्याची भीती तज्ज्ञांनी व्यक्त केली आहे.