Navi Mumbai Marathi News | नवी मुंबई मराठी बातम्या | Latest Navi Mumbai News in Marathi | नवी मुंबई ताज्या बातम्या | Navi Mumbai Crime Marathi News | नवी मुंबई ब्रेकिंग न्यूज़| Breaking & Live Navi Mumbai News

नवी मुंबई : मुंबई कृषी उत्पन्न बाजार समिती निवडणुकीसाठी शेवटच्या दिवसापर्यंत तब्बल २६३ जणांनी अर्ज दाखल केले आहेत. माथाडीनेते शशिकांत शिंदे यांच्याविरोधात एकही अर्ज दाखल झाला नसल्याने त्यांची निवड बिनविरोध होणार आहे. दाखल केलेल्या अर्जांची गुरुवारी बाजार समितीमध्ये छाननी केली जाणार आहे.संपूर्ण राज्याचे लक्ष लागून असलेल्या बाजार समिती निवडणुकीसाठी अर्ज भरण्याची मुदत बुधवारी संपली आहे. शेवटच्या दिवशी जवळपास ८२ जणांनी अर्ज दाखल केला आहे. ४३४ जणांनी अर्ज विकत घेतले होते. त्यापैकी तब्बल २६३ जणांनी अर्ज दाखल केले आहेत. राज्याच्या सहाही महसूल विभागामधून शेतकरी प्रतिनिधी अर्ज भरण्यासाठी चार दिवसांपासून मुंबईमध्ये येत होते. अर्ज भरण्याची प्रक्रिया सुलभ व्हावी, यासाठी बाजार समितीच्या चौथ्या मजल्यावर विशेष व्यवस्था करण्यात आली होती. प्रत्येक मतदारसंघनिहाय अर्ज भरण्यासाठी स्वतंत्र टेबल ठेवण्यात आले होते.बाजार समिती निवडणुकीमध्ये कामगार प्रतिनिधीसाठी माथाडीनेते शशिकांत शिंदे यांनी अर्ज दाखल केला आहे. त्यांच्या विरोधात कोण अर्ज भरणार याविषयी उत्सुकता प्रत्येकात निर्माण झाली होती. माथाडी संघटना एकच उमेदवार देणार की कामगारांमध्ये फूट पडून दुसरा उमेदवारही उभा राहणार, याविषयी उत्सुकता निर्माण झाली होती; परंतु शेवटच्या दिवसापर्यंत कोणीच अर्ज भरला नसल्यामुळे शशिकांत शिंदे यांची निवड बिनविरोध होणार असल्याचे निश्चित झाले आहे.छाननीसाठी विशेष व्यवस्थाबाजारसमिती निवडणुकीसाठी सादर केलेल्या अर्जांची गुरुवारी सकाळी ११ वाजल्यापासून छाननी सुरू केली जाणार आहे. छाननीसाठी सर्व उमेदवार व सूचकांनाही उपस्थित राहवे लागणार आहे. जवळपास ५५० नागरिक छाननीदरम्यान उपस्थित राहण्याची शक्यता आहे. कोणाचीही गैरसोय होऊ नये, यासाठी बाजार समिती मुख्यालयाच्या समोर तंबू टाकण्यात आला आहे. चौथ्या मजल्यावर छाननीसाठीही विशेष व्यवस्था करण्यात आली आहे.

Navi Mumbai (Marathi News)

विधानसभा निवडणुकीपूर्वी नवी मुंबईमध्ये मोठ्या प्रमाणात राजकीय बदल घडले. ...

म्हस्के यांचे पती, आई-वडील आणि बहिणीने या लोकलमधून प्रवास केला. ...

गुरुवारी छत्रपती शिवाजी महाराज टर्मिनस येथील फलाट क्रमांक १८ वर उद्घाटनाच्या कार्यक्रमाचे नियोजन केले होते. ...

फळांच्या व्यापारामध्ये आंब्याला, विशेषत: हापूसला विशेष महत्त्व आहे. ...

७ फेब्रुवारीपर्यंत न्यायालयीन कोठडी ...

संपूर्ण राज्याचे लक्ष मुंबई बाजार समितीच्या निवडणुकीकडे लागले आहे. ...

संपूर्ण राज्याचे लक्ष लागून असलेल्या बाजार समिती निवडणुकीसाठी अर्ज भरण्याची मुदत बुधवारी संपली आहे. ...