- नामदेव मोरेनवी मुंबई : शहरामध्ये कोरोनाची स्थिती हाताबाहेर जाऊ लागली आहे. मनपा व खासगी रुग्णालयांमध्ये ४२४८ रुग्णखाटा उपलब्ध असून सक्रिय रुग्णांची संख्या १०४४५ झाली आहे. आयसीयू युनिटमध्ये जागाच उपलब्ध होत नसल्यामुळे रुग्णांची गैरसोय होऊ लागली आहे. आयसीयू युनिट वाढविण्यासाठी आरोग्य विभागाला कसरत करावी लागत आहे. हॉस्टेल, मनपा शाळांचेही कोरोना उपचार केंद्रांमध्ये रूपांतर करण्याचा निर्णय घेण्यात आला आहे. नवी मुंबईमध्ये कोरोनाची दुसरी लाट घातक ठरली आहे. १ मार्चपासून ३८ दिवसांमध्ये तब्बल १८३६७ नवीन रुग्ण वाढले आहेत. प्रतिदिन एक हजारपेक्षा जास्त रुग्ण वाढत असून त्यांना उपचार मिळवून देताना प्रशासनाला तारेवरची कसरत करावी लागत आहे. शहरातील जवळपास सर्व रुग्णालयांमधील आयसीयू युनिट फुल्ल झाली आहेत. आयसीयूमध्ये जागा उपलब्ध होत नसल्यामुळे रुग्णांना उपचार कसे मिळवून द्यायचे, असा प्रश्न निर्माण झाला आहे. रुग्णालयांमध्ये जागा मिळत नसल्यामुळे रुग्णांचे नातेवाईक, राजकीय कार्यकर्ते व महापालिकेच्या आरोग्य विभागालाही तारेवरची कसरत करावी लागत आहे. एकूण रुग्णांपैकी जवळपास ७ हजार रुग्णांवर घरीच उपचार करण्यात येत आहेत. अशीच स्थिती राहिली तर मृत्यूचे प्रमाण वाढण्याची शक्यता निर्माण झाली आहे.महानगरपालिका आयुक्त अभिजित बांगर यांनी स्वत: सर्व खासगी रुग्णालयांशी संवाद साधून आयसीयू युनिट वाढविण्यास प्राधान्य दिले आहे. डॉ. डी. वाय. पाटील रुग्णालयात प्रतिदिन १० ते १५ आयसीयू युनिट वाढविले जात आहेत. तेरणामध्ये १०, रिलायन्समध्ये १०, अपोलोमध्ये १३, इंद्रावतीमध्ये १२ आयसीयू बेड वाढविण्याची कार्यवाही सुरु करण्यात आली आहे. याशिवाय जनरल बेड वाढविण्यासही प्राधान्य दिले जात आहे. अचानक रुग्णांची संख्या वाढल्यामुळे सर्वांना उपचार मिळवून देताना तारेवरची कसरत करावी लागत आहे. महानगरपालिकेने नवीन केंद्र सुरू करण्यासाठीही हालचाली सुरू केल्या आहेत. वाशीतील प्रदर्शन केंद्र, खारघरमधील दोन हॉस्टेलमध्ये केंद्र सुरू केले जाणार असून इंडिया बूलमध्ये १ हजार बेडची व्यवस्था करण्यात येणार आहे.शाळांमध्ये नवीन कोरोना केंद्रमहानगरपालिकेने शहरात नवीन कोरोना उपचार केंद्र सुरू करण्यासाठी हालचाली सुरू केल्या आहेत. महानगरपालिकेच्या चार शाळांमध्ये कोरोना उपचार केंद्र सुरू केले जाणार आहे. दाेन हॉस्टेलमध्ये ४०० बेडची व्यवस्था केली जाणार आहे. नवी मुंबईमध्ये सर्व रुग्णांना उपचार मिळवून देण्यासाठी प्रशासन दक्ष आहे. आयसीयू युनिट वाढविण्यात येत आहेत. मनपा व खासगी रुग्णालयांमधील बेडची क्षमता वाढविली जात असून नवीन केंद्रही सुरू केली जात आहेत. मनपा शाळा, खारघरमधील हॉस्टेलमध्येही नवीन केंद्र सुरू केली जात आहेत.- अभिजित बांगर,आयुक्त
रुग्णालयनिहाय बेडरुग्णालय एकूण शिल्लक एमजीएम सानपाडा ७५ १राधास्वामी सत्संग भवन ३६३ ५२ओजस १४ ०क्रिटीकेअर २२ ०ग्लोबल २१ ०डिवाईन ३५ ६श्री हॉस्पिटल २० ०साई सेवा हॉस्पिटल २० ०क्रिडेन्स ११ ११सिडको वाशी ४०७ १५३रिलायन्स आयटी पार्क १०० ६ईटीसी वाशी २०० ३३निर्यात भवन एपीएमसी ३१२ ४स्वामी विवेकानंद सेंटर १०८ १५ऐराली समाजमंदिर ९० ९०आगरी कोळी भवन ६० ६०रुग्णालयनिहाय बेडरुग्णालय एकूण शिल्लकतेरणा ९५ २ फोर्टीज ८५ ०रिलायन्स ११० ०एमजीएम सीबीडी ६६ ०एमपीसीटी ८३ ०अपोलो १६० १पीकेसी ४४ ५इंद्रावती ९० ०सनशाईन ३३ २डी.वाय. पाटील ४०० २०३सिडको प्रदर्शन केंद्र ७०२ १७४हेरीटेज ऐरोली १० १न्यू मिलेनीयम २० ०न्यू मानक ४० ४लक्ष्मी घणसोली १५ ०फ्रीझन १९ ०व्हीनस १२ ३निर्मल कोपरखैरणे १३ ०राजपाल २१ ०सिद्धीका कोपरखैरणे ५ ०एमजीएम वाशी १०५ ०