आयुष्याचा काहीच भरवसा नाही, कधी काय होईल हे कोणालाच सांगता येत नाही. हरियाणातील फरीदाबादमध्ये अशीच एक धक्कादायक घटना समोर आली आहे, डान्स करताना एका तरुणाने जीव गमावला. फरीदाबाद येथील सेक्टर ७५ मध्ये असलेल्या 'डी-मार्ट' मॉलमध्ये कंपनीने आयोजित केलेल्या कार्यक्रमादरम्यान, डीजेवर डान्स करताना २३ वर्षीय तरुणाचा अचानक मृत्यू झाला.
देवकी नंदन असं मृत्यू झालेल्या तरुणाचं नाव असून तो गेल्या चार वर्षांपासून या मॉलमध्ये काम करत होता. ही संपूर्ण घटना रविवारी रात्री ९:१५ च्या सुमारास घडली. मॉलच्या बेसमेंटमध्ये एका कार्यक्रमाचं आयोजन करण्यात आलं होतं, जिथे डीजे लावण्यात आला होता आणि सर्व कर्मचारी डान्स करत होते. याच दरम्यान देवकी नंदनचा मृत्यू झाला.
डान्स करताना मृत्यू, घटना CCTV मध्ये कैद
संपूर्ण घटना बेसमेंटमध्ये बसवण्यात आलेल्या सीसीटीव्ही कॅमेऱ्यात कैद झाली आहे. सीसीटीव्ही फुटेजमध्ये देवकी नंदन डीजेवर डान्स करताना दिसत आहे आणि अचानक डान्स करता करता तो जमिनीवर कोसळतो. त्याचा हार्ट अटॅकमुळेच मृत्यू झाला असावा असा अंदाज आहे. मात्र शवविच्छेदन अहवाल आल्यानंतरच मृत्यूचे नेमकं कारण स्पष्ट होऊ शकेल.
पोलीस घटनास्थळी दाखल
तरुण डान्स फ्लोअरवर कोसळल्यानंतर त्याला तातडीने सेक्टर ८ येथील सर्वोदय रुग्णालयात नेण्यात आलं, परंतु डॉक्टरांनी तपासणीनंतर त्याला मृत घोषित केलं. रुग्णालयाकडून पोलिसांना या मृत्यूची माहिती मिळाली, त्यानंतर पोलिसांनी घटनास्थळी धाव घेत मृतदेह शवविच्छेदनासाठी सिव्हिल हॉस्पिटलच्या शवागारात पाठवला.
Web Summary : A 23-year-old D-Mart employee in Faridabad died while dancing at a company event. Devki Nandan collapsed on the dance floor and was declared dead at the hospital. CCTV footage captured the incident. Police are investigating; the cause of death is pending autopsy results.
Web Summary : फरीदाबाद के डी-मार्ट में एक कंपनी कार्यक्रम में नाचते समय 23 वर्षीय कर्मचारी की मौत हो गई। देवकी नंदन डांस फ्लोर पर गिर पड़े और अस्पताल में मृत घोषित कर दिए गए। सीसीटीवी में घटना कैद हो गई। पुलिस जांच कर रही है; मौत का कारण ऑटोप्सी रिपोर्ट के बाद पता चलेगा।