'तुम्ही सुरुवात केली, मी अंत करेन...', लालू प्रसाद यादवांचा फोटो पाहत तेज प्रताप यांनी केली मोठी घोषणा

काही दिवसापूर्वी तेज प्रताप यादव यांचा अनुष्का यादव यांच्यासोबत एक फोटो व्हायरल झाला होता. या फोटोनंतर त्यांना पक्षातून बाहेर काढले होते.

राष्ट्रीय जनता दलाचे प्रमुख लालू प्रसाद यादव यांनी त्यांचा मुलगा तेजप्रताप यादव यांची पक्षामधून सहा वर्षांसाठी हकालपट्टी केली आहे. तेजप्रताप यांनी त्यांच्या पर्सनल आयुष्याबाबत केलेल्या सोशल मीडिया पोस्टनंतर हा मोठा निर्णय घेण्यात आला आहे. दरम्यान, आता तेज प्रताप यांनी सोशल मीडियावर पोस्ट केली आहे. या पोस्टमुळे राजकीय वर्तुळात खळबळ उडाली आहे. या पोस्टमध्ये तेज प्रताप त्यांचे वडील लालू यादव यांच्या फोटोकडे पाहताना दिसत आहेत. या पोस्टमध्ये त्यांनी एक इशारा दिला आहे.

ऑपरेशन सिंदूर: मोदींनी अमेरिकेच्या न झालेल्या ५१ व्या राज्यात जाऊन सुनावले, ट्रम्प वठणीवर आले...

या पोस्टमध्ये तेज प्रताप यादव यांनी लिहिले की, 'माझ्या शांततेला माझी कमजोरी मानण्याची चूक करणाऱ्यांनी असे समजू नये की मला तुमच्या कट रचल्याची माहिती नाही. तुम्ही सुरुवात केली आणि मी ती शेवट करणार. मी खोटेपणा आणि फसवणुकीचा हा चक्रव्यूह तोडणार आहे. तयार राहा, सत्य बाहेर येणार आहे. माझी भूमिका माझ्या प्रिय जनतेद्वारे आणि माननीय सर्वोच्च न्यायालयाद्वारे ठरवली जाईल, कोणत्याही पक्षाद्वारे किंवा कुटुंबाद्वारे नाही...', असंही त्यांनी पोस्टमध्ये म्हटले आहे. 

फोटो व्हायरल झाल्यानंतर केली कारवाई

यापूर्वी तेज प्रताप यादव यांनी लालू प्रसाद यादव यांच्या वाढदिवसानिमित्त एक व्हिडीओ पोस्ट केला होता. त्यांनी व्हिडीओ कॉलद्वारे त्यांचे वडील लालू यादव यांना वाढदिवसाच्या शुभेच्छा दिल्या होत्या. अनुष्का यादव यांच्यासोबतचा फोटो आणि प्रेम व्यक्त करणारी पोस्ट सोशल मीडियावर व्हायरल झाली होती. त्यानंतर लालू यादव यांनी मोठी कारवाई करत तेज प्रताप यांना पक्ष आणि कुटुंबातून काढून बेदखल केले होते. तेज प्रताप यांना ६ वर्षांसाठी पक्षातून काढून टाकण्यात आले आहे.

पक्ष आणि कुटुंबातून काढून टाकल्यानंतर तेज प्रताप यादव यांनी आरोप केला होता की, राजदमध्ये जयचंदसारखे काही लोक आहेत, यामुळे त्यांच्यासोबत राजकारण केले जात आहे. यावेळी त्यांची पत्नी ऐश्वर्या यांनी अनुष्का प्रकरणात तेज प्रताप यांच्यावर केलेली कारवाई फक्त दिखावा असल्याचे म्हटले होते. 'संपूर्ण कुटुंब यात सामील आहे. हे सर्व निवडणुकीसाठी केले जात आहे', असंही त्यांनी म्हटले होते.

मेरी खामोशी को मेरी कमजोरी समझने की भूल करने वालो,ये मत समझना कि मुझे तुम्हारी साजिशों का पता नही,शुरुआत तुमने किया है अंत मैं करूंगा,झूठ और फरेब के बनाये इस चक्रव्यूह को तोड़ने जा रहा हूं, तैयार रहना सच सामने आने वाला है,मेरी भूमिका मेरी प्यारी जनता और माननीय सर्वोच्च न्यायालय… pic.twitter.com/hSMFwu85vL

— Tej Pratap Yadav (@TejYadav14) June 19, 2025