West Bengal Assembly Election 2021: आम्ही तुमच्यासाठी जिवाचं रान करू; पाच वर्षं संधी देऊन बघा- नरेंद्र मोदी

West Bengal Assembly Election 2021: पश्चिम बंगालमध्ये राजकारण तापलं; पंतप्रधान मोदींचा ममता बॅनर्जींवर हल्लाबोल

खडगपूर: पश्चिम बंगाल विधानसभा निवडणुकींच्या (West Bengal Assembly Election 2021) पार्श्वभूमीवर प्रचाराला आता चांगलाच वेग आला आहे. पंतप्रधान नरेंद्र मोदी (pm narendra modi), केंद्रीय गृहमंत्री अमित शाह यांच्यासह अनेक नेते, मंत्री पश्चिम बंगालच्या विविध भागांत प्रचारसभांमध्ये सहभागी होताना पाहायला मिळत आहेत. दरम्यान, पंतप्रधाननरेंद्र मोदी यांनी खडगपूर येथे झालेल्या व्हॉट्सअ‍ॅप डाऊन झाल्याचा उल्लेख करत ममता बॅनर्जी यांच्यावर टीका केली आहे. तिथे काल रात्री ४५ मिनिटे व्हॉट्सअ‍ॅप डाऊन झालं होतं. परंतु, बंगालमध्ये विकास डाऊन झालाय, अशी खोचक टीका पंतप्रधान मोदी यांनी केली. (west bengal assembly election 2021 pm narendra modi criticised mamata banerjee over various issues)पश्चिम बंगालमध्ये भाजपच्या जागा वाढणार, पण...; राऊतांनी सांगितला 'ममता'पूर्ण 'एक्झिट पोल'यंदा भारतीय जनता पक्षाला संधी द्या. आम्ही ७० वर्षांपासून सुरू असलेला अन्याय दूर करू. एकदा आशीर्वाद द्या. पाच वर्षांसाठी आम्हाला संधी देऊन पाहा. आम्ही तुमच्यासाठी जिवाचं रान करू, असं आवाहन मोदींनी बंगाली मतदारांना केला. 'तुम्ही काँग्रेसचे कारनामे पाहिलेत. डाव्यांची राज्याला कसं उद्ध्वस्त केलं याचे तुम्ही साक्षीदार आहात आणि आता तृणमूल काँग्रेसचा कारभार अनुभवत आहात. त्यामुळे आता ५ वर्षांसाठी भाजपला संधी देऊन बघा,' असं मोदी म्हणाले.रात्री ५० मिनिटं व्हॉट्सअ‍ॅप डाऊन होतं, बंगालमध्ये ५० वर्षे विकास डाऊन झालाय; मोदींची टीकाखडगपूर येथे आयोजित एका रॅलीत पंतप्रधान नरेंद्र मोदींनी सहभागी होत जनतेला संबोधित केले. रात्री व्हॉट्सअप, फेसबुक आणि इन्स्टाग्राम ५० ते ५५ मिनिटांसाठी डाऊन झालं होतं. अनेक जण यामुळे चिंतेत होते, सुमारे तासभर त्यांना अडचणींचा सामना करावा लागला. बंगालमध्ये विकास, लोकांची स्वप्न आणि सरकारवरील विश्वास हे सगळं गेल्या ५० ते ५५ वर्षांपासून डाऊन आहे, अशी टीका पंतप्रधान मोदींनी केली. बंगालमध्ये अनेक उद्योग बंद होण्याच्या मार्गावर आहेत. येथे केवळ एकच इंडस्ट्री सुरू आहे ती म्हणजे माफिया इंडस्ट्री, या शब्दांत पंतप्रधान मोदींनी ममता बॅनर्जी यांच्यावर निशाणा साधला.भाजप सर्वांत मोठा लुटारू पक्ष; 'विकासा'वरुन ममता बॅनर्जींचा थेट पलटवारआता विकासाचा खेळ सुरू होणारममता दीदी म्हणतात खेळ संपला, पण सत्य हे आहे की, विकास सुरू होणार आहे. ममता बॅनर्जी सरकार राष्ट्रीय शिक्षण योजनाची अमलबजावणी करण्यास नकार देत आहे. त्यांना बंगालमधील तरुणांच्या भविष्याची चिंता नाही. दीदींना बंगालमधील तरुणांच्या भविष्यासोबत खेळू देणार नाही, असे आश्वासन पंतप्रधान मोदींनी यांनी यावेळी दिले.