West Bengal: रेल्वे पुलावर चेंगराचेंगरी, दोन प्रवाशांचा मृत्यू, 14 जखमी

पश्चिम बंगालमधील हावडाजवळील संतारागाछी जंक्शन येथे रेल्वे पुलावर चेंगराचेंगरी झाली.

कोलकाता - पश्चिम बंगालमधील हावडाजवळील संतरागाछी जंक्शन येथे रेल्वे पुलावर चेंगराचेंगरी झाली असून, या चेंगराचेंगरीत दोन जणांचा मृत्यू झाला आहे. तर 14 जण जखमी झाले आहेत.  मंगळवारी संध्याकाळी सहा वाजण्याच्या सुमारास रेल्वे स्थानकातील फूट ओव्हरब्रिजवर अचानक गर्दी झाली. त्यामुळे ही दुर्घटना घडली. 

#UPDATE: 1 dead in the stampede following rush of passengers on a footbridge at Santragachhi junction in Howrah, around 6 pm today: West Bengal CM Mamata Banerjee https://t.co/lr03w4xVqF

— ANI (@ANI) October 23, 2018

मंगळवारी संध्याकाळच्या सुमारास हावडापासून 10 किमी दूर असलेल्या संतरागाछी रेल्वे स्थानकात काही ट्रेन अचानक आल्याने ओव्हरब्रिजवर गर्दी झाली. गोंधळाची परिस्थिती निर्माण झाल्याने चेंगराचेंगरी झाली. यात एका प्रवाशाचा मृत्यू झाला तर अन्य 14 प्रवासी जखमी झाले. यापैकी तीन जणांना उपचारांनंतर सोडून देण्यात आले. तर अन्य जखमींवर रुग्णालयात दाखल करण्यात आले.