वैजयंतीमाला, चिरंजीवी यांच्यासह १३२ विजेत्यांना राष्ट्रपतींच्या हस्ते पद्म पुरस्कार प्रदान

Padma awards 2024, President of India Draupadi Murmu: यंदाच्या वर्षी ५ पद्मविभूषण, १७ पद्मभूषण आणि ११० पद्मश्री पुरस्कार प्रदान करण्यात आले.

Padma awards 2024, President of India Draupadi Murmu: राष्ट्रपती द्रौपदी मुर्मू यांनी गुरुवारी विविध क्षेत्रात उल्लेखनीय कामगिरी करणाऱ्या पुरस्कार विजेत्यांचा पद्म पुरस्कार देऊन गौरव केला. पद्म पुरस्कार विजेत्यांची नावे जानेवारीतच जाहीर करण्यात आली होती. ज्येष्ठ अभिनेत्री वैजयंतीमाला बाली, तेलुगू स्टार कोनिडेला चिरंजीवी, सर्वोच्च न्यायालयाच्या पहिल्या महिला न्यायाधीश दिवंगत एम फातिमा बीवी आणि 'बॉम्बे समाचार'चे मालक होर्मुसजी एन कामा यांच्यासह एकूण १३२ विजेत्यांना आज पद्म पुरस्कार देऊन गौरविण्यात आले.

President Droupadi Murmu presents Padma Vibhushan in the field of Art to Dr. Vyjayantimala Bali. She is a renowned Bharatanatyam dancer and played leading roles in popular Hindi and Tamil movies. She is the recipient of numerous awards and honours. Dr. Vyjayantimala Bali has also… pic.twitter.com/HaPEUZbY4o

— President of India (@rashtrapatibhvn) May 9, 2024

------

President Droupadi Murmu presents Padma Vibhushan in the field of Art to Shri Konidela Chiranjeevi. He is a popular actor who has touched the lives of people through his films and humanitarian services. Shri Chiranjeevi has served as a Member of Parliament and Union Minister. He… pic.twitter.com/fAQThmfBG0

— President of India (@rashtrapatibhvn) May 9, 2024

------

President Droupadi Murmu confers Padma Bhushan in the field of Public Affairs upon Justice Ms. M. Fathima Beevi posthumously. She was an eminent jurist and the first woman Judge in the Supreme Court of India. She was a champion of women's rights. Her commitment to justice and… pic.twitter.com/kJf9MKA25U

— President of India (@rashtrapatibhvn) May 9, 2024

लडाखचे अध्यात्मिक नेते तोगदान रिनपोचे, तामिळ अभिनेते दिवंगत 'कॅप्टन' विजयकांत (दोन्ही मरणोत्तर) आणि गुजराती वृत्तपत्र 'जन्मभूमी'चे समूह संपादक आणि सीईओ कुंदन व्यास यांनाही राष्ट्रपती भवनात झालेल्या नागरी सत्कार समारंभात पद्म पुरस्काराने सन्मानित करण्यात आले. 90 वर्षीय वैजयंतीमाला बाली आणि 68 वर्षीय चिरंजीवी यांना पद्मविभूषण; तर एम फातिमा बीवी, होर्मुसजी एन कामा, राजगोपाल विजयकांत, रिनपोचे आणि व्यास यांना पद्मभूषण पुरस्कार प्रदान करण्यात आला.

President Droupadi Murmu confers Padma Bhushan in the field of Art upon Captain Vijayakant posthumously. He was an eminent actor of the Tamil film industry recognised for promoting patriotic values through his films. Shri Vijayakant was also known for his humanitarian efforts… pic.twitter.com/CdG0liPp1F

— President of India (@rashtrapatibhvn) May 9, 2024

पद्मभूषण पुरस्कार विजेत्यांमध्ये प्रख्यात हृदयरोगतज्ज्ञ अश्विन बालचंद मेहता आणि माजी केंद्रीय मंत्री आणि भाजपचे दिवंगत नेते सत्यब्रत मुखर्जी यांचा समावेश होता. पद्मश्री पुरस्कार विजेत्यांमध्ये भारताची पहिली महिला हत्ती माहुत पार्वती बरुआ "हस्ती कन्या", तेलंगणातील शिल्पकार वेलू आनंदाचारी, त्रिपुराच्या प्रसिद्ध विणकर स्मृती रेखा चकमा, अंदमान आणि निकोबार बेटांचे के चेल्लमल, स्क्वॉश अनसुंग चायना जोपा यांसारख्या खेळाडूंचा समावेश होता.

यावेळी उपराष्ट्रपती जगदीप धनखड, पंतप्रधान नरेंद्र मोदी आणि केंद्रीय गृहमंत्री अमित शाह उपस्थित होते. देशातील सर्वोच्च नागरी सन्मानांपैकी एक असलेले पद्म पुरस्कार पद्मविभूषण, पद्मभूषण आणि पद्मश्री अशा तीन श्रेणींमध्ये दिले गेले. कला, सामाजिक कार्य, सार्वजनिक घडामोडी, विज्ञान आणि अभियांत्रिकी, व्यापार आणि उद्योग, वैद्यक, साहित्य आणि शिक्षण, क्रीडा, नागरी सेवा इत्यादी विविध विषयांमध्ये उल्लेखनीय कार्य करणाऱ्यांना या पुरस्काराने सन्मानित करण्यात आले.