एका अपघाताचा व्हिडीओ समोर आला आहे, जो बघून तुमचाही थरकाप होईल. डॅशकॅममध्ये ही घटना कैद झाली असून, पाठीमागून येणाऱ्या बसने कशापद्धतीने रिक्षाला चिरडले, हे दिसत आहे. भुवनेश्वरमध्ये ही घटना घडली आहे. यात रिक्षाचालकाचा जागीच मृत्यू झाला.
भुवनेश्वरमधील रुपाली चौकात ही घटना घडली आहे. व्हिडीओमध्ये हा अपघात कसा झाला, हे स्पष्टपणे दिसत आहे. एका बस मागे रिक्षा चालली होती. त्याचवेळी पाठीमागून बस आली. रिक्षाच्या पाठीमागे असलेल्या बसचालकाचा वाहनावरील ताबा सुटला आणि त्यानंतर ही भयंकर घटना घडली.
३ जानेवारी रोजी दुपारी ही घटना घडली. रिक्षा समोर दिसत असूनही बसचालक वाहन पुढे पुढे नेत गेला. त्यानंतर रिक्षाला धडक बसली, तरीही बस पुढेच नेली. समोरची बस आणि पाठीमागची बस यामध्ये रिक्षा पूर्णपणे चिरडली.
पाठीमागील बस समोर असलेल्या बसच्या अगदी जवळ गेली. त्यामुळे समोरच्या बसला धडक बसली आणि लोकांनाच्या हा अपघात लक्षात आला. पण, तोपर्यंत यात ६२ वर्षीय रिक्षाचालकाचा मृत्यू झाला होता.
पोलिसांनी सांगितले की, रुपाली चौकातील सिग्नलवर ही घटना घडली. अम्मा बसने रिक्षाला पाठीमागून धडक दिली. रिक्षा शाळेच्या बसच्या पाठीमागे चालली होती. यात बिनझनरपूर येथील विष्णू पात्रो या रिक्षाचालकाचा मृत्यू झाला. यात एकजण जखमी झाला आहे. नमिता प्रधान आणि रमानी नायक असे जखमी झालेल्यांची नावे आहेत.
रिक्षातील प्रवाशांना पोलिसांनी बाहेर काढले आणि तातडीने रुग्णालयात दाखल केले. नायक हे किरकोळ जखमी झाले होते, त्यांना उपचार करून सुट्टी देण्यात आली. दुसऱ्या व्यक्तीचा हात मोडला असून, डोक्यालाही मार लागला आहे.
Web Summary : In Bhubaneswar, a speeding bus crushed a rickshaw between two buses, killing the driver instantly. The accident, captured on dashcam, occurred at Rupali Square. One passenger was seriously injured, while another sustained minor injuries. Police are investigating.
Web Summary : भुवनेश्वर में एक तेज रफ्तार बस ने एक रिक्शा को दो बसों के बीच कुचल दिया, जिससे चालक की मौके पर ही मौत हो गई। यह दुर्घटना रूपाली स्क्वायर पर हुई। एक यात्री गंभीर रूप से घायल, दूसरा मामूली रूप से घायल। पुलिस जांच कर रही है।