बोलेरोची ट्रकला धडक बसून भीषण अपघात, १४ जणांचा मृत्यू
By ऑनलाइन लोकमत | Published: November 20, 2020 08:54 AM2020-11-20T08:54:38+5:302020-11-20T08:55:02+5:30
Accident News : प्रयागराज-लखनौ महामार्गावर माणिकपूर पोलीस ठाण्याच्या हद्दीत भरधाव बोलेरोने उभ्या असलेल्या ट्रकला दिलेल्या धडकेमुळे झाला.
बोलेरोची ट्रकला धडक बसून भीषण अपघात, १४ जणांचा मृत्यू
Next लखनौ - उत्तर प्रदेशमधील प्रतापगड येथे एक भीषण अपघात झाला आहे. या अपघातात १४ जणांचा मृत्यू झाला आहे. हा अपघात काल रात्री प्रयागराज-लखनौ महामार्गावर माणिकपूर पोलीस ठाण्याच्या हद्दीत भरधाव बोलेरोने उभ्या असलेल्या ट्रकला दिलेल्या धडकेमुळे झाला. बोलेरो चालकाला झोप लागल्याने हा अपघात झाला असावा, असा अंदाज आहे.
अपघातग्रस्त बोलेरोमधून प्रवास करत असलेले प्रवासी हे वरातीवरून येत होते. ही सर्व मंडळी शेखपूर गावात झालेल्या विवाह सोहळ्यात सहभागी होऊन घरी परतत होती. परतत असताना सदर बोलेरो माणिकपूर पोलीस ठाण्याच्या हद्दीत आली असताना ती जाऊन उभ्या असलेल्या ट्रकला धडकली. हा अपघात एवढा भीषण होता की त्याच बोलेरोचा पूर्ण चेंदामेंदा झाला. तसेच सर्व प्रवाशांचा घटनास्थळीच मृत्यू झाला. एकूण १४ मृतांमध्ये ६ मुलांचा समावेश आहे.
Pratapgarh: Fourteen persons including six children died after the vehicle they were travelling in collided with a truck on Prayagraj-Lucknow highway under limits of Manikpur police station last night. pic.twitter.com/2WOFMUyO8Z
— ANI UP (@ANINewsUP) November 20, 2020
अपघाताचे वृत्त समजताच घटनास्थळी दाखल झालेल्या पोलिसांनी गॅस कटरच्या मदतीने बोलेरो गाडी कापत सर्व १४ मृतदेह बाहेर काढले. संपूर्ण मदतकार्यासाठी दोन तास लागले. दरम्यान,पोलिसांनी सर्व मृतदेह शवविच्छेदनासाठी पाठवले. मिळालेल्या माहितीनुसार बोलेरोमधील १२ वऱ्हाडी हे कुंडा पोलीस ठाण्याच्या हद्दीतील जिगरापूर चौसा गावातील होते. तर बोलेरोचालकासह अन्य दोघे हे दुसऱ्या एका गावातील होते.
दरम्यान, उत्तर प्रदेशचे मुख्यमंत्री योगी आदित्यनाथ यांनी या दुर्घटनेबाबत दु:ख व्यक्त केले आहे. त्यांनी वरिष्ठ अधिकाऱ्यांना तत्काळ घटनास्थळी जाऊन पीडित व्यक्तींची मदत करण्याचे आदेश दिले आहेत.
Chief Minister Yogi Adityanath (in file pic) expresses grief over the Pratapgarh road accident. He has directed senior officials to reach the spot and provide all possible help to victims: CM's Office
— ANI UP (@ANINewsUP) November 20, 2020
Fourteen persons including six children died in the incident. https://t.co/3CR5vxoh2qpic.twitter.com/FmbYrcQa7F