उत्तर प्रदेशातील बिजनौर येथे एक भीषण अपघात झाला आहे. मिळालेल्या माहितीनुसार, कार आणि टेम्पो यांच्यात झालेल्या धडकेत ७ जणांचा मृत्यू झाला आहे. हा अपघात ओव्हरटेकिंग करताना घडला असून कारने टेम्पोला जोरदार धडक दिली. मृतांपैकी सहा जण एकाच कुटुंबातील होते.
मिळालेल्या माहितीनुसार, क्रेटा कारने ऑटोला जोरदार धडक दिल्याने बिजनौर रोड अपघातात सात जणांचा मृत्यू झाला आहे. ऑटोमध्ये सात जण होते आणि या सर्वांचा अपघातात मृत्यू झाला. दुसऱ्या वाहनाला ओव्हरटेक करताना क्रेटा कारने टेम्पोला जोरदार धडक दिली.
माहिती मिळताच स्थानिक पोलीस घटनास्थळी दाखल झाले. टेम्पोमध्ये प्रवास करणारे लोक मुरादाबाद रेल्वे स्थानकावरून धामापूरकडे येत होते. सूत्रांनी दिलेल्या माहितीनुसार, मृतांपैकी सहा जण एकाच कुटुंबातील आहेत. झारखंडमध्ये लग्न आटोपून संपूर्ण कुटुंब घरी परतत होते. मृतांमध्ये ४ पुरुष, २ महिला आणि एका मुलीचा समावेश आहे.
मिळालेल्या माहितीनुसार, रस्ता अपघातातील सर्व मृत झारखंडमधील एका लग्नातून घरी परतत होते. मृतांमध्ये खुर्शीद, त्यांचा मुलगा विशाल, सून खुशी याशिवाय मुमताज, पत्नी रुबी आणि मुलगी बुशरा यांचा समावेश आहे. हे कुटुंब झारखंडहून वधूसोबत परतत होतं. या अपघातात नवविवाहित जोडप्यासह एकूण ७ जणांचा मृत्यू झाला.