Train Accident: आंध्र प्रदेशात मोठा रेल्वेअपघात झाल्याची माहिती समोर आली आहे. विशाखापटनमवरुन रायगडाकडे जाणारी पॅसेंजर ट्रेन रुळावरुन घसरली. विजयनगरम जिल्ह्यात घढलेल्या घटनेत एका प्रवाशाचा मृत्यू तर अनेकजण जखमी झाल्याची माहिती आहे. सध्या बचावकार्य सुरू आहे.
ळालेल्या माहितीनुसार, दोन गाड्यांची समोरासमोर टक्कर झाली. पूर्व मध्य रेल्वेच्या सीपीआरओच्या म्हणण्यानुसार, विजयनगरमहून रायगडाकडे जाणारी ट्रेन त्याच मार्गावर विशाखापट्टणमहून पलासाकडे जाणाऱ्या पॅसेंजर ट्रेनला धडकल्यानंतर काही डबे रुळावरून घसरले. घटनास्थळावरून अनेक फोटोही समोर आली आहेत, ज्यात रेल्वेचे काही डबे रुळावरून घसरल्याचे दिसत आहे.
आंध्र प्रदेशचे मुख्यमंत्री वायएस जगन मोहन रेड्डी यांनी विजयनगरम येथे झालेल्या रेल्वे अपघातावर शोक व्यक्त केला. तसेच, त्यांनी अधिकाऱ्यांना या घटनेत जखमी झालेल्यांना तात्काळ मदत करण्याचे आणि जवळच्या गावातून जास्तीत जास्त रुग्णवाहिका अपघातस्थळी पाठवण्याचे आदेश दिले आहेत.