सीमावर्ती राज्यांमध्ये उद्या होणारा मॉक ड्रिल पुढे ढकलला; 'ऑपरेशन शील्ड'ची नवीन तारीख लवकरच जाहीर होणार

गृह मंत्रालयाच्या सूचनेनुसार, २९ मे रोजी सायंकाळी ५ वाजल्यापासून गुजरात, राजस्थान, जम्मू आणि काश्मीर, हरयाणा आणि चंदीगडसह केंद्रशासित प्रदेशातील अनेक जिल्ह्यांमध्ये मॉक ड्रिल होणार होते.पण आता ते पुढे ढकलण्यात आले आहे.

केंद्र सरकारने गुरुवार, २९ मे रोजी प्रस्तावित केलेला मॉक ड्रिल 'ऑपरेशन शील्ड' प्रशासकीय कारणांमुळे सध्यासाठी पुढे ढकलण्यात आला आहे. या संदर्भात, सर्व नागरी संरक्षण नियंत्रकांना आणि संबंधित विभागांना सूचना जारी करण्यास सांगण्यात आली आहे.

'सर्व संबंधित अधिकारी आणि भागधारकांना कळवावे की ऑपरेशन शील्ड नागरी संरक्षण सराव पुढील सूचना मिळेपर्यंत पुढे ढकलण्यात आले आहे. पुढील तारीख नंतर जाहीर केली जाईल, सरकारी आदेशात असंही म्हटले आहे.

एक वर्षानंतर 'कोविड पॉझिटिव्हिटी दर जास्त, NB.1.8.1 व्हेरिएंट वाढले'; WHO ने दिला इशारा

गृह मंत्रालयाच्या सूचनेनुसार, २९ मे रोजी सायंकाळी ५ वाजल्यापासून गुजरात, राजस्थान, जम्मू-काश्मीर, हरयाणा आणि चंदीगडसह केंद्रशासित प्रदेशातील अनेक जिल्ह्यांमध्ये मॉक ड्रिल होणार होते. पण आता ते पुढे ढकलण्यात आले आहे. त्यामुळे जम्मू-काश्मीरच्या सर्व २० जिल्ह्यांमध्ये मॉक ड्रिल रद्द करण्यात आल्या आहेत. उद्या जम्मू प्रदेशात होणारे मॉक ड्रिल आता होणार नाही. केंद्राच्या आदेशानंतर राजस्थान, गुजरात, हरयाणा, चंदीगड आणि इतर राज्यांनीही मॉक ड्रिल आणि ब्लॅकआउट पुढे ढकलले आहेत. 

Civil Defence Exercise "Operation Shield" which was planned to be held on 29th May 2025 in states bordering Pakistan postponed due to administrative reasons in Gujarat and Rajasthan. Chandigarh too postpones the Exercise.

Haryana Govt requests state officials to plan and… pic.twitter.com/Ppp2JnfxP7

— ANI (@ANI) May 28, 2025

गुजरात माहिती विभाग आणि राजस्थान गृह विभागानेही मॉक ड्रिल पुढे ढकलल्याची अधिकृतपणे पुष्टी केली आहे. दुसरीकडे, आता गुरुवारी ब्लॅकआउट किंवा मॉकड्रिल होणार नाही, असं चंदीगड प्रशासनाने स्पष्ट केले आहे.

या सरावांतर्गत, हवाई हल्ले, ब्लॅकआउट, आपत्कालीन निर्गमन आणि वैद्यकीय मदतीचे मॉक ड्रिल आयोजित केले जाणार होते, जेणेकरून आपत्तीच्या वेळी नागरी आणि प्रशासकीय प्रतिसादाची तयारी तपासता येईल.