हरियाणामध्ये विधानसभा निवडणुका जाहीर झाल्या आहेत. या पार्श्वभूमीवर काल शुक्रवारी कुस्तीपटू विनेश फोगट आणि बजरंग पुनिया यांनी काँग्रेसमध्ये प्रवेश केला आहे. यावरुन आता राजकीय वर्तुळातून प्रतिक्रिया येत आहेत. माजी खासदार ब्रिजभूषण सिंह यांनी प्रत्युत्तर दिले असून त्यांनी आता सवाल उपस्थित केले आहेत.यांनतर आता कुस्तीपटू बजरंग पुनिया यांनी प्रत्युत्तर दिले.
'तुम्ही फसवणूक करून ज्युनियर खेळाडूंचा हक्क ..."; ब्रिजभूषण सिंह यांचा विनेश फोगटवर निशाणा
एका वृत्तवाहिनीला दिलेल्या मुलाखतीत बोलताना पुनिया म्हणाले की, ब्रिजभूषण शरण सिंह यांची देशाप्रती असलेली मानसिकता समोर आली आहे. हे विनेशचे पदक नव्हते. हे १४० कोटी भारतीयांचे पदक होते. जे विनेशच्या अपात्रतेचा आनंद साजरा करतात, ते देशभक्त आहेत का?, असा सवालही उपस्थित केला. आपण लहानपणापासून देशासाठी लढत आहोत, तेच आपल्याला देशभक्ती शिकवत आहेत. ते मुलींची छेड काढत आहेत. कोणत्या पैलवानाचा विनयभंग झाला हे आम्ही कधीच सांगितले नाही, असंही पुनिया म्हणाले.
"जर मुलींमध्ये थप्पड मारायची हिंमत असती तर तुम्हाला खूप थप्पड बसली असती. ब्रिजभूषण शरण सिंह यांची देशाप्रती असलेली मानसिकता समोर आली आहे. हे विनेशचे पदक नव्हते. हे १४० कोटी भारतीयांचे पदक होते. पुनिया म्हणाले की, भाजप ब्रिजभूषण शरण यांना पाठिंबा देत आहे. मी निवडणूक लढवत नाही, आपल्यापैकी एकानेच निवडणूक लढवायची असे आम्ही ठरवले होते. आता पंतप्रधान मोदींकडून कोणतीही आशा नाही. माझ्याविरुद्ध एजन्सींचा वापर करण्यात आला, डोपच्या आरोपात माझ्यावर बंदी घालण्यात आली, असंही कुस्तीपटू बजरंग पुनिया म्हणाले.
पुनिया म्हणाले की, विनेश ऑलिम्पिकमधून बाहेर पडल्यानंतर त्यांनी काँग्रेसमध्ये जाण्याचा निर्णय घेतला. आमच्या कठीण काळात काँग्रेस आमच्या पाठीशी उभी राहिली. याशिवाय आप आणि इतर विरोधी पक्षही आमच्या पाठीशी उभे राहिले. 'आप'सोबत युती करण्याचा निर्णय काँग्रेसचे सर्वोच्च नेतृत्व घेईल, मात्र इंडिया आघाडीने एकत्र लढले पाहिजे, असंही बजरंग पुनिया म्हणाले.
पुनिया म्हणाले की, मला खट्टरजींना विचारायचे आहे की, तुम्ही ब्रिजभूषण यांच्यासोबत आहात का? पदक जिंकल्यावरच तुमची मुलगी आहे का? आम्ही जंतरमंतरवर मुद्दे मांडायचो. महिला कुस्तीपटूंची कायदेशीर लढाई अद्याप संपलेली नाही.