यादीनुसार गोलाणीतील ओटे ताब्यात घ्या मनपा : उपायुक्तांचे बळीरामपेठेतील हॉकर्सला आवाहन

जळगाव : मनपाने बळीरामपेठेतील व परिसरातील हॉकर्ससाठी गोलाणी मार्केटमधील ओट्यांची व जागांची सोडतीनुसार यादी तयार केली असून हॉकर्सनी आपली जागा ताब्यात घेण्यासाठी अतिक्रमण अधीक्षकांशी संपर्क साधण्याचे आवाहन उपायुक्तांनी केले आहे.
मनपा हद्दीतील बळीरामपेठ व परिसरातील भाजीपाला विक्रेते, फळ विक्रेते व इतर फेरीवाले यांना मनपाने गोलाणी मार्केटमधील पक्के ओटे व्यवसायासाठी उपलब्ध करून देण्यासाठी ३ मे रोजी ड्रॉ काढले होते. त्यानुसार फेरीवाला व ओटा क्रमांक याची यादी मनपा प्रशासकीय इमारतीत ७व्या मजल्यावर प्रसिद्ध करण्यात आली आहे. बळीरामपेठ व परिसरातील संबंधीत फेरीवाले यांनी ओटा ताब्यात घेण्यासाठी अतिक्रमण अधीक्षक खान यांच्याशी संपर्क साधण्याचे आवाहन केले आहे.
-----
आवश्यक सेवा उपलब्ध
गोलाणी मार्केटमध्ये हॉकर्ससाठी आवश्यक लाईट, पाणी, शौचालय, साफसफाई, आदी सुविधा उपलब्ध करून देण्यात आल्या असून ड्रेनेज दुरुस्तीही करण्यात आली असल्याचा दावा उपायुक्तांनी केला आहे.