Sushma Swaraj Death: राजकारणातला तेजस्वी अध्याय समाप्त- नरेंद्र मोदी

माजी परराष्ट्र मंत्री आणि भाजपाच्या ज्येष्ठ नेत्या सुषमा स्वराज यांचं निधन झालं.

नवी दिल्लीः माजी परराष्ट्र मंत्री आणि भाजपाच्या ज्येष्ठ नेत्या सुषमा स्वराज यांचं निधन झालं. त्यांच्या निधनानं राजकीय वर्तुळात शोककळा पसरली आहे. दिल्लीतल्या एम्स रुग्णालयात त्यांनी अखेरचा श्वास घेतला. त्यानंतर अनेक राजकीय नेत्यांनी सोशल मीडियाच्या माध्यमातून त्यांना श्रद्धांजली अर्पण केली आहे. पंतप्रधान नरेंद्र मोदींनीही राजकारणातील तेजस्वी अध्याय समाप्त झाल्याची भावना व्यक्त केली आहे.

जनतेच्या सेवेसाठी आणि गोरगरिबांच्या कल्याणासाठी आपले जीवन अर्पण करणाऱ्या एका उल्लेखनीय नेत्याच्या निधनाबद्दल भारत दु: खी आहे. कोट्यवधी लोकांना प्रेरणा देणारं व्यक्तिमत्त्व काळाच्या पडद्याआड गेलं. सुषमा स्वराज या जबरदस्त वक्त्या होत्या आणि उत्कृष्ट खासदार होत्या. पक्षाच्या पातळीवर त्यांचा नेहमीच आदर आणि सत्कार केला आहे.

I can’t forget the manner in which Sushma Ji worked tirelessly as EAM in the last 5 years. Even when her health was not good, she would do everything possible to do justice to her work and remain up to date with matters of her Ministry. The spirit and commitment was unparalleled.

— Narendra Modi (@narendramodi) August 6, 2019

भाजपा वाढवण्यात त्यांचा मोठा सहभाग होता. त्या कुशल प्रशासक होत्या. त्यांनी जी मंत्रालयं सांभाळली तिथे उच्च प्रतीचं काम केलं. इतर देशांशी द्विपक्षीय संबंध वाढवण्यात त्यांनी महत्त्वपूर्ण भूमिका बजावली होती. तसेच परदेशात अडकून पडलेल्या भारतीयांना त्यांनी वेळोवेळी मदतीचा हात दिला.

A glorious chapter in Indian politics comes to an end. India grieves the demise of a remarkable leader who devoted her life to public service and bettering lives of the poor. Sushma Swaraj Ji was one of her kind, who was a source of inspiration for crores of people.

— Narendra Modi (@narendramodi) August 6, 2019

सुषमाजींच्या जाण्यानं मोठं नुकसान झालं आहे. त्यांनी देशासाठी जे केलं ते नेहमीच लक्षात राहील. दुःखाच्या या क्षणात मी त्यांच्या कुटुंबीयांबरोबर आहे. गेल्या पाच वर्षांपासून त्या परराष्ट्र मंत्रालयात ज्या पद्धतीनं काम करत होत्या ते उल्लेखनीय होतं. त्यांची तब्येत ठीक नसतानाही त्या कामाला न्याय देण्याचा प्रयत्न करायच्या.

An excellent administrator, Sushma Ji set high standards in every Ministry she handled. She played a key role in bettering India’s ties with various nations. As a Minister we also saw her compassionate side, helping fellow Indians who were in distress in any part of the world.

— Narendra Modi (@narendramodi) August 6, 2019

त्यांचा उत्साह आणि कामाप्रति बांधिलकी अद्वितीय होती. दुःखाच्या या क्षणात मी त्यांच्या कुटुंबीयांबरोबर आहे.

Sushma Ji’s demise is a personal loss. She will be remembered fondly for everything that she’s done for India. My thoughts are with her family, supporters and admirers in this very unfortunate hour. Om Shanti.

— Narendra Modi (@narendramodi) August 6, 2019

सुषमा स्वराज यांच्या निधनाने एका अभ्यासू आक्रमक पर्वाचा अंत झाला आहे. हरियाणात वयाच्या २५ व्या वर्षी कॅबिनेटमंत्रीपद, २७ व्या वर्षी पक्षाच्या प्रदेशाध्यक्ष आणि केंद्रात परराष्ट्र खात्यासह महत्वाच्या पदाचे यशस्वी काम पाहणाऱ्या सुषमा स्वराज यांनी राजकारणात खूप कमी वयात आपले वेगळे अस्तित्व निर्माण केले. सुषमा स्वराज नेहमीच म्हणायच्या की, राजकारण हे करियर म्हणून नव्हे, तर मिशन म्हणून आपण स्वीकारले आहे. घर आणि राजकारण यात कुणालाही प्राधान्य देण्याऐवजी मी यात संतुलन साधले आहे.