Sukma Naxal Attack: missing cobra commando in our captivity; Naxals demands on phone call | Sukma Naxal Attack: बेपत्ता कोब्रा कमांडोला हातही लावणार नाही, पण त्याचा 'प्राण' हवा; नक्षलवाद्यांनी फोन करून ठेवली अट

Sukma Naxal Attack: बेपत्ता कोब्रा कमांडोला हातही लावणार नाही, पण त्याचा 'प्राण' हवा; नक्षलवाद्यांनी फोन करून ठेवली अट

रायपूर: छत्तीसगडच्या बिजापूरमध्ये 25 लाखांचा इनाम असलेल्य़ा नक्षलवाद्याला पकडण्यास गेलेल्या 200 सुरक्षा जवानांच्या एका तुकडीला घेरून नक्षलवाद्यांनी जोरदार हल्ला (Sukma Naxal Attack) केला. यामध्ये 24 जवान शहीद झाले असून एक जवान बेपत्ता झाला आहे. हा बेपत्ता जवान आपल्या ताब्यात असल्याचा फोन नक्षलवाद्यांनी (Naxalite) एका पत्रकाराला करून अट ठेवल्याने खळबळ उडाली आहे. (Chhattisgarh: 24 jawans killed, 31 injured in anti-Naxals operation in Sukma. One missing Cobra commando in Naxal leader's Custody.)


या नक्षलवाद्यांनी जवानाला कोणतेही नुकसान करणार नसल्याचे सांगितले आहे. कुख्यात नक्षलवादी हिडमा याला पकडण्यासाठी जवान रविवारी त्याच्या परिसरात गेले होते. 2000 जवानांची मोठी टीम वेगवेगळ्या भागात हिडमाला पकडण्यासाठी जंगलात घुसत होती. मात्र, नक्षलवाद्यांनी या जवानांना कोणत्याही प्रकारे न रोखता आतमध्ये जाऊ दिले आणि घात केला. सुरक्षा दलाच्या काही टीम तयार करण्यात आल्या होत्या. घनदाट जंगलात त्यांना कोपरान कोपरा शोधायचा होता. मात्र, नक्षलवादी त्यांची वाटच पाहत होते. अनेट तुकड्यांपैकी एका तुकडीला नक्षलवाद्यानी तीन बाजुंनी घेरले आणि हिडमाच्या बटालियनने हल्ला केला. यामध्ये हे जवान शहीद झाले. हिडमाची बटालियन डोंगररांगांतून फायरिंग करत होती. यामुळे खाली असलेले जवान सहज लक्ष्य ठरले. तिन्ही बाजुंनी घेरलेल्या जवानांनी त्या ही परिस्थितीत हिडमाच्या मोक्याच्या जागी लपलेल्या आणि हल्ला करत असलेल्या नक्षलवाद्यांना चोख प्रत्यूत्तर दिले.

Sukma Naxal Attack: घनदाट जंगलात जवानांना आधी शांततेत घुसू दिले, नंतर घात केला; रॉकेट लाँचर, एके ४७...सुकमा हल्ल्याचे फोटो


बेपत्ता असलेला जवानहा राजेश्वर सिंह मनहास (Rajeshwar singh Manhas) असून तो जम्मू-काश्मीरच्या आहे. हा जवान अत्यंत घातक अशा कोब्रा बटालियनचा आहे. नक्षलवाद्यांनी पत्रकाराला फोन करून याची माहिती दिली. तसेच ते या जवानाला सोडण्यास तयार आहेत. परंतू राजेश्वर सिंह यांनी इथीन सोडल्यावर सुरक्षा दलामधून निवृत्ती घ्यावी आणि नोकरी सोडून दुसरे कोणतेही काम करावे, अशी अट घातली आहे. 


दुसरीकडे राजेश्वर सिंहांचे कुटुंबीय चिंतेत आहेत. कंट्रोल रुमकडून ते बेपत्ता असल्याचे सांगितले जात आहे तर न्यूज चॅनलवर ते नक्षल्यांच्या ताब्यात असल्याचे दाखविले जात आहे. राजेश्वर यांच्या जम्मूतील घरी त्याचे नातेवाईक जमा होण्यास सुरुवात झाली आहे. राजेश्वर यांच्या पत्नीने छत्तीसगड सरकारला नक्षलवाद्यांची जी काही मागणी आहे ती पूर्ण करून पतीला सोडविण्य़ाची विनंती केली आहे. माझे पती गेल्या चार वर्षांपासून कोब्रा कमांडोमध्ये कार्यरत आहेत. सरकारला आपला जवान कोणत्याही किंमतीवर परत आणावा लागेल. ते माझे पतीच नाहीत, तर देशाचे जवान आहेत. माझ्या सासऱ्यांनीही सीआरपीएफमध्ये प्राणांची आहुती दिली आहे, असे त्या म्हणाल्या. 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Sukma Naxal Attack: missing cobra commando in our captivity; Naxals demands on phone call

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.