CBSE Result : स्मृती इराणींच्या मुलाला बारावीच्या परीक्षेत 94 टक्के

केंद्रीय मंत्री स्मृती इराणी यांचा मुलगा जोहर यानेही बारावीच्या परीक्षेत घवघवीत यश संपादन केले आहे.

नवी दिल्ली : सीबीएसई बोर्डाच्या बारावीच्या परीक्षेचे निकाल गुरुवारी जाहीर झाला. केंद्रीय मंत्री स्मृती इराणी यांचा मुलगा जोहर यानेही बारावीच्या परीक्षेत घवघवीत यश संपादन केले आहे. या परीक्षेत जोहरने 91 टक्के गुण मिळविले आहे. याबाबत स्मृती इराणी यांनी ट्विटकरुन आपला आनंद व्यक्त केला आहे.

स्मृती इराणी यांनी आपल्या मुलाच्या यशाचा आनंद सगळ्यांशी शेअर करत म्हटले आहे, 'माझा मुलगा जोहर याचा मला अभिमान आहे. वर्ल्ड केम्पो चॅम्पियनशिपमध्ये त्याला ब्राँझ मेडल तर मिळालेच शिवाय बारावीच्या परीक्षेतही त्याने कमाल करून दाखवली. चार विषयात 91 टक्के मिळाले आहेत. खास करून अर्थशास्त्रामध्येही त्याला 94 टक्के गुण मिळाले.' 

Ok saying it out loud— proud of my son Zohr..not only did he come back with a bronze medal from the World Kempo Championship also scored well in 12 th boards. Best of 4– 91% .. special yahoo for 94% in economics.. Maaf karna ,today I’m just a gloating Mom🙏

— Chowkidar Smriti Z Irani (@smritiirani) May 2, 2019

याशिवाय, दिल्लीचे मुख्यमंत्री अरविंद केजरीवाल यांचा मुलगा पुल्कीत केजरीवाल यानेही बारावीच्या परीक्षेत घवघवीत यश संपादन केले. अरविंद केजरीवाल यांची पत्नी सुनीता केजरीवाल यांनी आपल्या ट्विटर अकाऊंटवर पुल्कीत केजरीवाल याला बारावीच्या परिक्षेत 96.4 टक्के मिळाल्याचे ट्विट केले आहे. 

With God’s grace and well-wishers’ blessings son has secured 96.4 percentile in CBSE Class XII. In high gratitude 🙏🏼

— Sunita Kejriwal (@KejriwalSunita) May 2, 2019

देशभरातील सर्व विभागांची सरासरी काढल्यास बारावीचा निकाल 83.4 टक्के इतका लागला आहे. नेहमीप्रमाणे यंदाही मुलींनी बाजी मारली आहे. 88.7 टक्के विद्यार्थिनींनी परीक्षेत यश मिळवले असून उत्तीर्ण झालेल्या मुलांचे प्रमाण 79.5 टक्के इतके आहे. या परीक्षेत हंसिका शुक्ला या विद्यार्थिनींने पहिला क्रमांक पटकावला आहे. हंसिकाबरोबरच करिश्मा अरोरा ही विद्यार्थिनीही परीक्षेत टॉपर ठरली आहे. या दोघींनाही 500 पैकी 499 गुण मिळाले आहेत. 

यंदा 10 विभागात सीबीएसईची परीक्षा घेण्यात आली होती. पुढच्या वर्षी ती 16 विभागांमध्ये घेण्यात येईल, अशी माहिती बोर्डाकडून देण्यात आली. यंदा त्रिवेंद्रम विभागानं बाजी मारली. या विभागातले तब्बल 98.2 टक्के विद्यार्थी परीक्षेत उत्तीर्ण झाले. महाराष्ट्राचा समावेश असलेला चेन्नई विभाग दुसऱ्या क्रमांकावर आहे. चेन्नई विभागातल्या 92.3 टक्के विद्यार्थ्यांना परीक्षेत यश मिळाले. तर 91.78 टक्क्यांसह दिल्ली विभाग तिसऱ्या क्रमांकावर राहिला. हंसिका शुक्ला आणि करिश्मा अरोरा या विद्यार्थिनी परीक्षेत पहिल्या क्रमांकानं उत्तीर्ण झाल्या. या दोघींनाही 500 पैकी 499 गुण मिळाले. 

(५०० पैकी ४९९ गुण... CBSE टॉपर हंसिकाचा एक गुण गेला कुठे?)

सीबीएसईचा निकाल आज जाहीर होणार असल्याची माहिती विद्यार्थी, पालकांना नव्हती. सीबीएसईचा निकाल जाहीर होणार असल्याची माहिती अचानक आज दुपारी आली. त्यामुळे विद्यार्थी आणि पालकांना आश्चर्याचा धक्का बसला. याआधी सीबीएसईचे निकाल विविध टप्प्यांमध्ये जाहीर व्हायचे. मात्र यंदा सर्व विभागांचे निकाल सीबीएसईकडून एकाचवेळी जाहीर करण्यात आले. जवळपास 16 लाख विद्यार्थ्यांनी यंदा बारावीची परीक्षा दिली होती.