Covid-19 च्या डेल्टा व्हेरिएंटमुळे सायलेंट हॉर्ट अटॅक वाढले, आयआयटी इंदूरच्या अहवालात खुलासा

अमेरिकेसह अनेक आशियाई देशांमध्ये कोविड-१९ च्या नवीन व्हेरिएंटचे रुग्ण वाढले आहेत. यामध्ये अचानक सायलेंट हृदयविकाराच्या बाबतीत एक महत्त्वाचा खुलासा झाला आहे.

नाचता नाचता किंवा क्रिकेट खेळताना अचानक बेशुद्ध पडला. त्याला रुग्णालयात नेण्यात आले, पण तिथे पोहोचल्यानंतर कळले की त्यांचा आधीच मृत्यू झाला होता. अशा अनेक घटना आपल्याकडे घडल्याचे पाहायला मिळाले.  पण अचानक हृदयविकाराच्या झटक्याने होणाऱ्या मृत्यूंमागील कारण आता उघड झाले आहे. आयआयटी इंदूर आणि आयसीएमआर यांच्या सहकार्याने केलेल्या संशोधनातून याबाबत मोठा खुलासा झाला आहे. 

कोविड-१९ चा डेल्टा प्रकार हा सायलेंट हार्ट अटॅकचे कारण आहे. याशिवाय, या प्रकारामुळे थायरॉईड देखील अनियंत्रित होत आहे. हे संशोधन जर्नल ऑफ प्रोटिओम रिसर्चमध्ये प्रकाशित झाले आहे. 

३१३४ रुग्णांच्या डेटाचा अभ्यास

आयआयटी इंदूर आणि इंडियन कौन्सिल ऑफ मेडिकल रिसर्च यांनी एकत्रितपणे Covid-19 च्या वेगवेगळ्या व्हेरिएंटच्या परिणामांवर संशोधन केले. यासाठी, संशोधकांनी कोविडच्या पहिल्या आणि दुसऱ्या लाटेतील ३१३४ रुग्णांचा डेटा घेतला. यामध्ये, Covid-19 च्या मूळ व्हेरिएंटनी संक्रमित झालेल्या रुग्णांच्या मेटाबॉलिक, बायोकेमिकल, हेमेटोलॉजिकल, लिपिड बदलांचा डेटा, अल्फा, बीटा, गामा आणि डेल्टा यांचे विश्लेषण करण्यात आले. मशीन लर्निंगचा वापर करून, सी-रिएक्टेस प्रोटीन, डी-डायमर, फेरिटिन, न्यूट्रोफिल्स, पांढऱ्या रक्त पेशींची संख्या, युरिया, क्रिएटिनिन, लिम्फोसाइट्स, लॅक्टेट यांच्या पातळीबद्दल माहिती मिळवण्यात आली. याशिवाय, स्पाइक प्रोटीनच्या संपर्कात येणाऱ्या फुफ्फुस आणि कोलन पेशींचे विश्लेषण करण्यात आले.

या संपूर्ण अभ्यासात, डेल्टा व्हेरिएंटमुळे मानवी शरीरात रासायनिक असंतुलन निर्माण होते. यामुळे कॅटेकोलामाइन्स आणि थायरॉईड संप्रेरकांच्या निर्मितीची प्रक्रिया विस्कळीत झाली. यामुळे लोक सायलेंट हार्ट अटॅक आणि थायरॉईड असंतुलनाचे बळी ठरले, असं संशोधकांना आढळून आले. 

सायलेंट हार्ट अटॅक म्हणजे काय?

हार्ट अटॅक येण्यापूर्वी छातीत दुखणे, घाम येणे, अस्वस्थता, श्वास घेण्यास त्रास होणे अशी लक्षणे असतात. पण सायलेंट हार्ट अटॅकमध्ये ही लक्षणे दिसत नाहीत. अचानक व्यक्ती बेशुद्ध पडतो. जोपर्यंत कोणालाही काही समजत नाही तोपर्यंत त्याचा मृत्यू होतो.

काळजी काय घ्यायची?

दररोज किमान ३० मिनिटे चालावे

रक्तदाब आणि मधुमेह नियंत्रणात ठेवा

तळलेले आणि पॅक केलेले पदार्थ खाणे टाळा

धूम्रपान आणि मद्यपान टाळा

या लोकांचा संशोधनात सहभाग होता

हे संशोधन IIT इंदूरचे डॉ. हेमचंद्र झा आणि KIMS भुवनेश्वरचे डॉ. निर्मल कुमार मोहकुड यांनी केले आहे. आयआयआयटी प्रयागराजच्या प्रा. सोनाली अग्रवाल यांच्या मार्गदर्शनाखाली डेटाचे विश्लेषण करण्यात आले. याशिवाय बुद्धदेव बराल, नम्रता मिश्रा, शुभ्रांशु पात्रा, मानस रंजन, सिद्धार्थ सिंग, तरुण प्रकाश, वैशाली सैनी, देव कुमार रथ, ज्योतिर्मयी वहिनीपती, प्रियदर्शिनी पांडा, कार्तिक मुदुली, हेमेंद्र सिंह परिहार, अजय कुमार मीना, सोम यांचाही या संशोधनात सहभाग होता.