ललितपूर रेल्वे स्थानकावरून अपहरण झालेल्या चिमुकलीच्या सुटकेसाठी राप्ती सागर एक्स्प्रेस नॉन-स्टॉप २६० किलोमीटर धावली. भारतीय रेल्वेच्या इतिहासात पहिल्यांदाच असे घडले. चिमुकलीचे अपहरण करून आरोपी राप्ती सागर एक्स्प्रेसने पळून जात असल्याचे सीसीटीव्ही कॅमेऱ्यात कैद झाले. त्यानंतर रेल्वे पोलिसांनी कुठेही न थांबवता थेट भोपाळ स्थानकावर नेण्यास सांगितले. रेल्वे पोलिसांच्या या धाडसी नियोजनामुळे आरोपीला पळून जाण्याची संधीच मिळाली नाही आणि अवघ्या काही तासांत चिमुकलीची सुखरूप सुटका करण्यात आली.
मिळालेल्या माहितीनुसार, ललितपूर रेल्वे स्थानकावरून एका ३ वर्षांच्या चिमुकलीचे अपहरण करून आरोपी फरार झाला. मुलगी बेपत्ता झाल्याची तक्रार मिळताच रेल्वे पोलिसांनी तातडीने चक्र फिरवली. स्थानकावरील सीसीटीव्ही फुटेज तपासले असता, एक संशयित व्यक्ती मुलीला घेऊन राप्ती सागर एक्स्प्रेसमध्ये चढताना दिसली. राप्ती सागर एक्स्प्रेस स्थानकातून सुटली होती, त्यामुळे आरोपीला वाटेत कुठेही उतरण्याची संधी मिळू नये म्हणून वरिष्ठ पोलिसांनी रेल्वे प्रशासनाशी संपर्क साधला आणि एक ऐतिहासिक निर्णय घेतला.
रेल्वे पोलिसांनी राप्ती सागर एक्स्प्रेसटे पुढचे सर्व थांबे रद्द केले आणि ट्रेनला ग्रीन सिग्नल देऊन ती २६० किलोमीटरपर्यंत कुठेही न थांबवता भापोळ रेल्वे स्थानकावर थांबवण्याचा निर्णय घेतला. दुसरीकडे, भोपाळ रेल्वे स्थानकावर पोलिसांची मोठी फौज तैनात करण्यात आली होती.जशी राप्ती सागर एक्स्प्रेस भोपाळ स्थानकावर पोहोचली, तसे दबा धरून बसलेल्या पोलिसांनी ट्रेनला घेराव घातला. आरोपीला पळून जाण्यासाठी कोणताही मार्ग उरला नव्हता. पोलिसांनी तातडीने डब्यात शिरून आरोपीच्या मुसक्या आवळल्या आणि चिमुकलीला त्याच्या तावडीतून सोडवले.
रेल्वेच्या इतिहासात पहिल्यांदाच!
एका गुन्हेगाराला पकडण्यासाठी अशा प्रकारे ट्रेन 'नॉन-स्टॉप' धाववण्याची ही पहिलीच वेळ असल्याचे बोलले जात आहे. रेल्वे पोलीस आणि रेल्वे प्रशासन यांच्यातील अचूक समन्वय आणि प्रसंगावधानामुळे एका निष्पाप मुलीचे प्राण वाचले आहेत. या कामगिरीबद्दल रेल्वे पोलिसांवर सर्व स्तरांतून कौतुकाचा वर्षाव होत आहे.
Web Summary : A 3-year-old kidnapped from Lalitpur station was rescued after the Rapti Sagar Express ran non-stop for 260 km to Bhopal. Railway police coordinated swiftly, ensuring the safe return of the child and arresting the kidnapper in a first-of-its-kind operation.
Web Summary : ललितपुर स्टेशन से अपहृत 3 वर्षीय बच्ची को बचाने के लिए राप्ती सागर एक्सप्रेस 260 किलोमीटर तक भोपाल तक नॉन-स्टॉप दौड़ी। रेलवे पुलिस ने तेजी से समन्वय किया, जिससे बच्ची की सुरक्षित वापसी सुनिश्चित हुई और अपहरणकर्ता को गिरफ्तार किया गया। यह अपनी तरह का पहला ऑपरेशन था।