मुंबई - सुपरस्टार थलायवा रजनीकांत गेल्या काही दिवसांपासून अध्यात्मिक यात्रेवर आहेत. हिमालयात घोडेस्वारी करतानाचा त्यांचा फोटो सोशल मीडियावर व्हायरल झाला आहे. या अध्यात्मिक यात्रेवर जाण्यापूर्वी चेन्नई एअरपोर्टवर रजनीकांत यांनी प्रसिद्धी माध्यमांसोबत संवाद साधला. ही यात्रा कमीत कमी 15 दिवसांची असेल, असे त्यांनी यावेळी सांगितले.
रजनीकांत प्रत्येक वर्षी हिमालयाचा दौरा करतात आणि अध्यात्मिक गुरुंची भेट घेतात. पांढऱ्या शुभ्र कपड्यांमध्ये ते अध्यात्मिक गुरुंशी बोलत असतानाचा एक फोटो सध्या सोशल मीडियावर व्हायरल झाला आहे. डिसेंबर 2017 मध्ये त्यांनी राजकारणात प्रवेश करण्याची घोषणा केली. यानंतर ही त्यांची पहिलीच हिमालय यात्रा आहे. दरम्यान, रजनीकांत यांनी एका भाषणादरम्यान असे म्हटले होते की, तामिळनाडूच्या राजकारणात नेतृत्वाचं अभाव आहे आणि यासाठी राजकीय पक्षाची स्थापना केली. दरम्यान कमल हासन यांनीही राजकारणात प्रवेश केला आहे.
आगामी सिनेमे
रजनीकांत यांचे आगामी काळात दोन सिनेमा रिलीज होणार आहेत. 27 एप्रिलला काला सिनेमा तर 2.0 सिनेमाची अद्यापपर्यंत तारिख निश्चित करण्यात आलेली नाही. 2.0 या सिनेमात त्यांच्यासोबत अक्षय कुमारदेखील झळकणार आहे.