राजा रघुवंशी हत्याकांडातील आरोपी राज कुशवाहच्या आजीचा मृत्यू झाला आहे. या प्रकरणात सोनम रघुवंशी आणि राज कुशवाह यांची नावे समोर आल्यानंतर आजी रामलली यांची प्रकृती बिघडली होती. या धक्क्यानेच मृत्यू झाल्याचं राजच्या कुटुंबाने म्हटलं आहे. रामलली या उत्तर प्रदेशातील फतेहपूर जिल्ह्यातील गाझीपूर पोलीस स्टेशन परिसरातील रामपूर सुकेती येथील रहिवासी होत्या.
राजा रघुवंशी हत्या प्रकरणात नातवाचं नाव समोर आल्यानंतर आजीने सांगितलं होतं की, सोनमला लग्न करायचं नव्हतं. तिने तिच्या नवऱ्याला खाल्लं आणि राजला देखील खाण्याचा प्रयत्न करत आहे. राज कुशवाहच्या कुटुंबाचं म्हणणं आहे की, राज निर्दोष आहे. कुटुंबातील सदस्यांनी सांगितलं की, राज कुशवाह त्याच्या वडिलांसोबत इंदूरमधील फळ बाजारात राहत होता. वडिलांच्या मृत्यूनंतर राज इंदूरमधील सोनम रघुवंशीच्या कारखान्यात काम करू लागला.
"सोनम रघुवंशीने आपल्या आजारी वडिलांच्या आरोग्यासाठी माझ्या भावाचा बळी दिला"
"लग्नानंतर राजा त्याच्या मित्रांसह..."; सोनम रघुवंशीने रिसेप्शनला नवऱ्याला दिलेलं 'हे' वचन
मेघालय पोलिसांचं तपास पथक बुधवारी (१८ जून) इंदूर येथील मुख्य आरोपी सोनमच्या घरी पोहोचलं. सोनमच्या कुटुंबाची चौकशी केली. राजा रघुवंशीच्या कुटुंबाने हत्येचे संपूर्ण सत्य बाहेर काढण्यासाठी सोनमच्या कुटुंबातील सर्व सदस्यांची नार्को चाचणी करण्याची मागणी केली आहे. राजा रघुवंशीच्या कुटुंबाने सोनमच्या कुटुंबावर अनेक गंभीर आरोप केले आहेत. राजाच्या कुटुंबाचा आरोप आहे की, सोनमच्या कुटुंबाने काही दिवसांत इतके पैसे कुठून कमावले? कुटुंबाने इतके पैसे कमावले की, नातेवाईकांच्या नावावर खाती उघडली गेली आहेत.
राजा रघुवंशी हत्या प्रकरणात नवा ट्विस्ट; सोनमला मदत करणारे 'ते' दोघे कोण?
चक्की चालवणारे सोनमचे बाबा कसे झाले करोडपती? कमाई एवढी की नातेवाईकांच्या नावावर खाती
सोनमने आरोपी राज कुशवाहच्या आईच्या नावावरही बँक खातं सुरू केलं होतं. सोनमचे वडील इंदूरमध्ये आल्यानंतर त्यांनी सर्वप्रथम पीठ गिरणीचा म्हणजेच चक्कीचा व्यवसाय सुरू केला.सोनमच्या कुटुंबाने नंतर प्लायवुड व्यवसायात पाऊल ठेवलं आणि कोट्यवधींचे साम्राज्य निर्माण केलं. आता या कुटुंबावर हवाला व्यवसायाचा आरोप होत आहे.