सणासुदीच्या काळात रेल्वे प्रवाशांमध्ये अनावश्यक गोंधळ आणि भीती निर्माण करणाऱ्या 'फेक न्यूज' आणि दिशाभूल करणाऱ्या व्हिडिओंविरोधात रेल्वे प्रशासनाने आता कडक भूमिका घेतली आहे. रेल्वेशी संबंधित जुने किंवा वस्तुस्थिती नसलेले व्हिडिओ पसरवणाऱ्या २० हून अधिक सोशल मीडिया हँडलची ओळख पटवून त्यांच्यावर गुन्हा (FIR) दाखल करण्याची प्रक्रिया सुरू करण्यात आली आहे.
रेल्वे प्रशासनाने दिलेल्या माहितीनुसार, सणासुदीच्या गर्दीचा गैरफायदा घेत काही समाजविरोधी सोशल मीडिया हँडल जाणूनबुजून जुने आणि दिशाभूल करणारे व्हिडिओ प्रसारित करत आहेत. या व्हिडिओंमध्ये रेल्वे स्थानकांवरील अवाजवी गर्दी दाखवली जाते. यामुळे प्रवाशांमध्ये अनावश्यक गोंधळ आणि भीती निर्माण होते. अशा फेक न्यूज आणि दिशाभूल करणाऱ्या व्हिडिओंना आळा घालण्यासाठी रेल्वे प्रशासनाने हे पाऊल उचलले आहे. या समाजविरोधी घटकांवर बारीक लक्ष ठेवण्यासाठी रेल्वे प्रशासन सध्या २४ तास सोशल मीडियावर लक्ष ठेवून आहे.
प्रवाशांना रेल्वेचे आवाहन
या पार्श्वभूमीवर रेल्वेने सर्व सोशल मीडिया वापरकर्त्यांना एक महत्त्वाचे आवाहन केले. कोणताही व्हिडिओ किंवा माहिती शेअर करण्यापूर्वी त्याची वस्तुस्थिती पूर्णपणे तपासावी. पडताळणी केल्याशिवाय रेल्वे स्थानकांवर गर्दी दाखवणारे किंवा इतर दिशाभूल करणारे व्हिडिओ शेअर करणे टाळावे. रेल्वेच्या या कडक भूमिकेमुळे सणासुदीच्या काळात सोशल मीडियावर खोट्या बातम्या पसरवणाऱ्यांना मोठा दणका बसण्याची शक्यता आहे.
Web Summary : Railways crack down on fake news and misleading videos, especially during festivals. Over 20 social media handles spreading misinformation are being investigated. Passengers are urged to verify information before sharing to avoid creating panic.
Web Summary : त्योहारों के दौरान रेलवे ने फ़ेक न्यूज़ और भ्रामक वीडियो पर सख़्ती दिखाई। 20 से ज़्यादा सोशल मीडिया हैंडल की जाँच हो रही है। यात्रियों से अनुरोध है कि शेयर करने से पहले जानकारी सत्यापित करें।