रायबरेली - दिल्ली-मालदा न्यू फरक्का एक्स्प्रेसचे 6 डबे रुळावरून घसरल्याची घटना समोर आली आहे. या दुर्घटनेत सात जणांचा मृत्यू झाला असून 21 प्रवासी गंभीर जखमी झाले आहेत. जखमींना उपचारासाठी तातडीने जवळच्या रुग्णालयात दाखल करण्यात आले आहे. हरचंदपूर स्थानकापासून ५० मीटर अंतरावर बुधवारी (10 ऑक्टोबर) सकाळी ही दुर्घटना घडली.
घटनेची माहिती मिळताच पोलीस आणि एनडीआरएकची टीम घटनास्थळी दाखल झाले असून बचावकार्य वेगाने सुरु करण्यात आले आहे. या दुर्घटनेत अनेक जण गंभीर जखमी झाल्याने मृतांचा आकडा वाढण्याची शक्यता आहे. मृत्यू झालेल्यांमध्ये एका महिलेचा आणि लहान मुलीचा समावेश आहे.