Jagannath Yatra: जगन्नाथ यात्रेला गालबोट! पुरीतील गुंडीचा मंदिराजवळ चेंगराचेंगरी, तीन भाविकांचा मृत्यू, १० जखमी

Jagannath Puri Rath Yatra Stampede: जगन्नाथ यात्रेदरम्यान पुरीतील गुंडीचा मंदिराजवळ चेंगराचेंगरी झाल्याने तीन भाविकांचा मृत्यू झाला आहे. तर, १० हून अधिक जण जखमी झाले आहेत. 

जगन्नाथाच्या रथाला स्पर्श करण्यासाठी भाविकांनी पुरीतील गुंडीचा मंदिराजवळ केलेल्या प्रचंड गर्दीमुळे चेंगराचेंगरीची घटना घडली. या घटनेत तीन भाविकांचा मृत्यू झाला आहे. तर, १० जण जखमी झाले आहेत. जखमींना ताबडतोब जवळच्या रुग्णालयात दाखल करण्यात आले. जखमींमधील अनेकांची प्रकृती चिंताजनक असल्याने मृतांच्या आकड्यात वाढ होण्याची भिती व्यक्त केली जात आहे. ही घटना रविवारी पहाटे ४.०० ते ५.०० वाजताच्या सुमारास घडली. 

मिळालेल्या माहितीनुसार, जगन्नाथाच्या रथाला स्पर्श करण्यासाठी भाविकांची मोठी गर्दी जमली. परिणामी, नियंत्रण ठेवण्यासाठी लावलेले बॅरिकेड्स तुटले आणि ढकलाढकली झाली. त्यावेळी नंदीघोष रथाच्या चाकाजवळ अनेक भाविक एकमेकांच्या अंगावर पडले. या घटनेत तीन भाविकांना आपला जीव गमवावा लागला. तर, १० हून अधिक जण जखमी झाले.

#WATCH | Odisha: A stampede has been reported during the Rath Yatra in Puri. Further details are awaited.

(Visuals from outside the post-mortem centre in Puri) pic.twitter.com/4mOTnE6QTe

— ANI (@ANI) June 29, 2025

 घटनास्थळी कोणतीही रुग्णवाहिका नसल्याने जखमींना उचलून रुग्णालयात नेण्यात आले. जखमींमधील अनेकांची प्रकृती चिंताजनक असल्याने मृतांच्या संख्येत वाढ होण्याची शक्यता व्यक्त केली जात आहे. मृतांमध्ये दोन महिला आणि एका पुरुषाचा समावेश आहे. बसंती साहू, प्रेमकांती मोहंती आणि प्रभात दास अशी मृतांची नावे आहेत.