बापरे! 'ती' निघाली 'तो' अन् बसला तब्बल 91 हजारांचा फटका

एका व्यक्तीला तब्बल 91 हजारांचा फटका बसला आहे.

हैदराबाद - जगभरात कोरोनाने थैमान घातले आहे. कोरोनाचा संसर्ग रोखण्यासाठी भारतातसह अनेक देशांनी लॉकडाऊनची घोषणा केली आहे. सर्वच देश कोरोनाशी सामना करत असून खबरदारीचे सर्व उपाय केले जात आहेत. लॉकडाऊनमध्ये घरबसल्या सोशल मीडियाचा वापर हा मोठ्या प्रमाणात केला जात आहे. मात्र याच दरम्यान सोशल मीडियावर मैत्री करणं एका तरुणाला चांगलंच महागात पडलं आहे. तब्बल 91 हजारांचा फटका बसला आहे.

तरुणी असल्याचं सांगून एका तरुणाला 91 हजारांना फसवण्यात आल्याची धक्कादायक घटना समोर आली आहे. मिळालेल्या माहितीनुसार, एका फार्मा कंपनीच्या कर्मचाऱ्याची महिला असल्याचं भासवून एका भामट्याने फसवणूक केली आहे. हैदराबादमध्ये ही घटना घडली. एप्रिलमध्ये तरुणाची फेसबुकवर फसवणूक करणाऱ्या व्यक्तीशी ओळख झाली. फसवणूक करणाऱ्याने तरुणाला स्वत: फ्रेंड रिक्वेस्ट पाठवली होती आणि आपण महिला असून एक कलाकार असल्याचं सांगितलं. एका इंग्रजी वेबसाईटने याबाबतचे वृत्त दिले आहे.

लॉकडाऊनमध्ये लोकांना घरीचं राहण्याचं आवाहन करण्यात येत आहे. मात्र तरीही फसवणूक करणाऱ्या व्यक्तीने आपण माझ्या नवीन घरी भेटू आणि तिथे एकत्र वेळ घालवू असं तरुणाला सांगितलं. तसेच तरुणाकडे पैशांची मागणी केली. फेसबुकवर मैत्री झाल्याने तरुणही फसवणूक करणाऱ्यांच्या जाळ्यात अडकला. त्याने 15 एप्रिल रोजी पेटीएमद्वारे 91 हजार रुपये ट्रान्सफर केले. मात्र हे पैसे मिळाल्यानंतर समोरील व्यक्ती तरुणाच्या मेसेजना उत्तर देणं टाळू लागली. त्यामुळेच आपली फसवणूक झाल्याचं तरुणाच्या लक्षात आलं आणि त्याने याप्रकरणी तक्रार केली. सायबर गुन्हे विभागाच्या अधिकाऱ्यांनी याबाबत माहिती दिली आहे.

Coronavirus : ...म्हणून 'या' दाम्पत्याने आपल्या मुलाचं नाव ठेवलं 'लॉकडाऊन' https://t.co/wilFKYvpxI#coronaupdatesindia#CoronaLockdown

— Lokmat (@MiLOKMAT) April 22, 2020

काही दिवसांपूर्वी फेसबुकवर गेल्या आठ वर्षांपासून मुलगा असून मुलगी असल्याचे भासवणाऱ्या एका तरुणाला पोलिसांनी अटक केली होती. छत्तीसगडमधील रायपूरमध्ये राहणारा 31 वर्षीय रवी पुजारी, गेल्या आठ वर्षांपासून फेसबुकवर निशा जिंदल नावाने वावरत होता. लोकांना सत्य घटना कळावी म्हणून पोलिस कोठडीत आणताच त्याला पोलिसांनी, मी पोलिस कोठडीत आहे. मीच निशा जिंदल आहे, अशाप्रकारची पोस्टही करायला सांगितली. 

#IndiaFightsCorona देशातील कोरोनाग्रस्तांचा आकडा वाढला, रुग्णांची संख्या 19,984 वर, 640 जणांचा मृत्यू.
संबंधित बातमीसाठी क्लिक करा-https://t.co/EmwY0i7HBOpic.twitter.com/GXzNna2p8n

— Lokmat (@MiLOKMAT) April 22, 2020

महत्त्वाच्या बातम्या 

Coronavirus : ...म्हणून 'या' दाम्पत्याने आपल्या मुलाचं नाव ठेवलं 'लॉकडाऊन' 

Coronavirus : जीवनावश्यक वस्तूंची होम डिलिव्हरी, 'या' सरकारची नवी हेल्पलाईन सेवा लय भारी

Coronavirus : देशातील कोरोनाग्रस्तांचा आकडा वाढला, रुग्णांची संख्या 19,984 वर, 640 जणांचा मृत्यू

Jammu And Kashmir : शोपियान चकमकीत दोन दहशतवाद्यांचा खात्मा