नवी दिल्ली : पंतप्रधान नरेंद्र मोदी आणि लोकसभा अध्यक्ष ओम बिर्ला यांच्या पुढाकाराने भारताने जागतिक स्तरावर 'संसदीय मुत्सद्देगिरी' अधिक मजबूत करण्यासाठी पावले उचलली आहेत. 'ऑपरेशन सिंदूर'नंतर मिळालेल्या सूचनांनुसार, ६४ देशांसाठी विशेष 'संसदीय मैत्री गट' स्थापन करण्यात आले आहेत. यामध्ये सत्ताधारी भाजपसह विरोधकांनाही मोठी संधी देण्यात आली असून, राजकीय मतभेद बाजूला सारून देशाचे प्रतिनिधित्व करण्यावर भर दिला आहे.
या धोरणानुसार लोकसभा अध्यक्ष ओम बिर्ला यांनी जगातील ६४ देशांशी संवाद आणि संबंध अधिक दृढ करण्यासाठी 'संसदीय मैत्री गट' स्थापन केले आहेत. मुत्सद्देगिरीच्या या नव्या पर्वात श्रीकांत शिंदे यांच्यासारख्या तरुण खासदारांपासून ८० वर्षीय पी. चिदंबरम यांच्यासारख्या अनुभवी नेत्यांचा समावेश आहे. संसदीय कार्यप्रणाली पलीकडे जाऊन व्यापार, तंत्रज्ञान, संस्कृती आणि जागतिक आव्हानांवर चर्चा करण्यासाठी हे गट महत्त्वपूर्ण ठरणार आहेत. या ६४ देशांच्या यादीत भारताने रणनीतिक विचार करून चीन, पाकिस्तान आणि बांगलादेश या देशांचा समावेश केलेला नाही. शेजारील राष्ट्रांपैकी नेपाळच्या गटाचे नेतृत्व नीरज शेखर करणार आहेत.
युवा आणि अनुभवी नेतृत्वाचा संगमया उपक्रमात शिवसेनेचे श्रीकांत शिंदे हे सर्वात तरुण शिष्टमंडळ प्रमुख ठरले असून त्यांच्याकडे इंडोनेशियाची जबाबदारी आहे. तर ८० वर्षीय ज्येष्ठ काँग्रेस नेते पी. चिदंबरम इटलीच्या गटाचे नेतृत्व करतील.
विरोधकांचाही मोठा सहभागया शिष्टमंडळांमध्ये प्रियांका गांधी वड्रा (जपान) आणि प्रियांका चतुर्वेदी (पोर्तुगाल) यांचाही सदस्य म्हणून समावेश करण्यात आला आहे. 'ऑपरेशन सिंदूर'नंतर खासदारांनी दिलेल्या सल्ल्यानुसार ही व्यवस्था आता कायमस्वरूपी करण्यात आली आहे.
कोणाकडे कोणत्या देशाची धुरा? (महत्त्वाची नावे):
| खासदार | पक्ष | नियुक्त देश |
| श्रीकांत शिंदे | शिवसेना (शिंदे गट) | इंडोनेशिया (सर्वात तरुण प्रमुख) |
| सुप्रिया सुळे | राष्ट्रवादी (शरद पवार गट) | सिंगापूर |
| अखिलेश यादव | समाजवादी पक्ष | ऑस्ट्रेलिया |
| कनिमोझी | डीएमके | ग्रीस |
| शशी थरूर | काँग्रेस | फ्रान्स |
| बैजयंत पांडा | भाजप | अमेरिका |
| रविशंकर प्रसाद | भाजप | युनायटेड किंगडम |
| अनुराग ठाकूर | भाजप | युरोपियन युनियन |
| अभिषेक बॅनर्जी | तृणमूल काँग्रेस | अल्जेरिया |
| असादुद्दीन ओवेसी | एआयएमआयएम | ओमान |
Web Summary : Lok Sabha Speaker created parliamentary friendship groups with 64 nations, fostering diplomacy. Shrikant Shinde leads Indonesia group. Opposition included, focusing on global collaboration.
Web Summary : लोकसभा अध्यक्ष ने 64 देशों के साथ संसदीय मैत्री समूह बनाए, कूटनीति को बढ़ावा दिया। श्रीकांत शिंदे इंडोनेशिया समूह का नेतृत्व करते हैं। विपक्ष भी शामिल, वैश्विक सहयोग पर ध्यान केंद्रित।