पान 6

प�

��र्सेत पाण्यासाठी वणवण
प्रशासनाचे दुर्लक्ष : पाणीपुरवठा पाईपलाईनची मोडतोड
कोरगाव : वायडोंगर-म्हालदारवाडा, पार्से येथे पाणीपुरवठा करणार्‍या पाईपलाईनची मोडतोड झाल्यामुळे गेल्या पाच दिवसांपासून या भागातील लोकांना पाण्यासाठी अहोरात्र वणवण फिरावे लागत आहे. याबाबत संबंधित खात्याकडे उदय म्हालदार यांनी तक्रार करूनही याकडे दुर्लक्ष करण्यात येत आह़े
या भागात पाणीपुरवठय़ावर देखरेख करणारे अशोक साळगावकर हे दुरुस्तीकडे डोळेझाक करत असल्याची लेखी तक्रार सार्वजनिक बांधकाम विभागासह बांधकाममंत्री व मुख्यमंत्र्यांकडे केली आहे. पाच दिवस या भागातील पाईपलाईनची मोडतोड झाल्यामुळे या भगात पाणी नाही. बाजूला नदी असल्याने या भागातील विहिरींना खारे पाणी येते. त्यामुळे नागरिकांचे मोठे हाल होत आह़े
पाईपलाईनमध्ये बिघाड झाल्याबाबत अशोक साळगावकर यांना अनेकदा माहिती देऊनही ते दुर्लक्ष करत आहेत़ याबाबत पेडणे येथील सार्वजनिक बांधकाम विभागाच्या अधिकार्‍यांशी संपर्क साधला असता ते म्हणाले की, आपण लवकरच वरिष्ठ अधिकार्‍यांना याबाबत माहिती देऊन पाईपलाईनची पाहणी करू़ त्यानंतर तत्काळ दुरुस्ती करून पाणीपुरवठा सुरळीत करू, असे त्यांनी सांगितल़े मात्र, यावर कोणत्याही प्रकारचा तोडगा काढण्यात आलेला नाही़ त्यामुळे मुख्यमंत्र्यांनी याकडे लक्ष देऊन संबंधित अधिकार्‍यांना जाब विचारावा, अशी मागणी वायडोंगर-म्हालदारवाडा, पार्से भागातील ग्रामस्थांनी केली आह़े (वार्ताहर)