श्रीलंकेत दितवाह चक्रीवादळामुळे मुसळधार पाऊस आणि पुराने थैमान घातलं आहे. जनजीवन विस्कळीत झालं आहे. आपत्ती व्यवस्थापन केंद्राने (डीएमसी) दिलेल्या माहितीनुसार, आतापर्यंत १२३ लोकांचा मृत्यू झाला आहे, तर १३० जण अजूनही बेपत्ता आहेत. श्रीलंकेच्या अनेक भागात मुसळधार पाऊस आणि भूस्खलन झालं आहे, ज्यामुळे लाखो लोक प्रभावित झाले आहेत.
श्रीलंकेच्या अधिकाऱ्यांनी सांगितलं की सशस्त्र दलांच्या मदतीने मदत कार्य सुरू आहे आणि आतापर्यंत ४३,९९५ घरं उद्ध्वस्त झालेल्या लोकांना सरकारी कल्याण केंद्रांमध्ये हलवण्यात आलं आहे. श्रीलंकेच्या सरकारने अडकलेल्या लोकांना वाचवण्यासाठी लष्करी हेलिकॉप्टर आणि बोटींचा वापर केला आहे. दितवाह चक्रीवादळामुळे शुक्रवारी श्रीलंकेच्या उत्तर आणि मध्य भागात मुसळधार पाऊस आणि भूस्खलन झालं. मुसळधार पावसामुळे अंदाजे ४४,००० लोक प्रभावित झाले आणि अनेकांना तात्पुरत्या मदत छावण्यांमध्ये पाठवण्यात आलं.
पावसाचं थैमान! श्रीलंकेत भीषण पूर, ५६ जणांचा मृत्यू; ६० जण बेपत्ता, ६०० घरांचं मोठं नुकसान
अनेक भागात पाणी साचल्याने सार्वजनिक सेवा विस्कळीत होत आहेत आणि पायाभूत सुविधांचं मोठं नुकसान होत आहे. श्रीलंकेच्या लष्कर आणि पोलीस दलांनी मदत आणि बचावकार्य तीव्र केले आहे. कोलंबोपासून सुमारे २२० किलोमीटर ईशान्येकडील पोलोन्नरुवा येथील पुलावर अडकलेल्या तेरा जणांना हेलिकॉप्टरने वाचवण्यात आलं. मुसळधार पावसामुळे आंतरराष्ट्रीय विमानतळावरील कामकाज विस्कळीत झालं, ज्यामुळे १५ उड्डाणं त्रिवेंद्रम आणि कोचीन विमानतळांवर वळवण्यात आली.
दितवाह चक्रीवादळाचा तडाखा बसलेल्या श्रीलंकेला मदत करण्यासाठी भारताने ऑपरेशन सागर बंधू सुरू केलं आहे. या उपक्रमाचा एक भाग म्हणून, भारतीय हवाई दलाचे विमान सुमारे १२ टन मदत साहित्य घेऊन श्रीलंकेत पोहोचले, ज्यात ताडपत्री, ब्लँकेट, स्वच्छता किट, अन्नपदार्थ आणि इतर आवश्यक साहित्य समाविष्ट आहे.
भारतीय नौदलानेही मदत साहित्य पाठवलं आहे. आयएनएस विक्रांत आणि आयएनएस उदयगिरी येथून सुमारे ४.५ टन रेशन आणि २ टन रेशन पोहोचवण्यात आलं. ही मदत भारत सरकारने नेबरहूड फर्स्ट धोरणांतर्गत पाठवली आहे आणि श्रीलंकेतील परिस्थिती बदलत असताना भारताने आणखी मदत पाठवण्याचं आश्वासन दिलं आहे.
Web Summary : Cyclone Ditwah caused widespread devastation in Sri Lanka, resulting in 123 deaths and many missing. India launched Operation Sagar Bandhu, providing essential supplies like blankets and food. The Indian Navy and Air Force are actively involved in relief efforts, supporting the affected population with aid and resources.
Web Summary : चक्रवात दितवाह ने श्रीलंका में भारी तबाही मचाई, जिससे 123 लोगों की मौत हो गई और कई लापता हैं। भारत ने ऑपरेशन सागर बंधु शुरू किया, जिसमें कंबल और भोजन जैसी आवश्यक आपूर्ति प्रदान की गई। भारतीय नौसेना और वायु सेना राहत प्रयासों में सक्रिय रूप से शामिल हैं।