कुटुंबवादामुळे तरुणांचे नुकसान; 1 लाख तरुणांना राजकारणात आणणार, PM मोदींची घोषणा

राजकारणाशी कुठलाही संबंध नसलेल्या तरुणांना राजकारणात आणण्याची घोषणा पीएम मोदींनी केली आहे.

वाराणसी: पंतप्रधान नरेंद्र मोदी यांनी आज(20 ऑक्टोबर 2024) आपला मतदारसंघ असलेल्या वाराणसीमध्ये 6700 कोटी रुपयांचे 23 प्रकल्पांची पायाभरणी आणि उद्घाटन केले. दरम्यान, यावेळी भाषणात त्यांनी कुटुंबवादाची मानसिकता नष्ट करण्यासाठी एक मोठी घोषणा केली. 'आम्ही राजकीय घराण्याशी कुठलाही संबंध नसलेल्या एक लाख तरुणांना राजकारणात आणणार आहोत', असे मोदी यावेळी म्हणाले. 

काशी और उत्तर प्रदेश सहित देशभर के नौजवानों से मेरा आग्रह है कि वे राजनीति की दिशा बदलने वाले उस अभियान की धुरी बनें, जिसका मैंने लाल किले से आह्वान किया था। pic.twitter.com/ntus47BG1a

— Narendra Modi (@narendramodi) October 20, 2024

कुटुंबवादावर प्रहार करत पंतप्रधान मोदी म्हणाले की, कुटुंबवादामुळे तरुणांचे सर्वाधिक नुकसान होत आहे. यासाठी आम्ही अशा एक लाख तरुणांना राजकारणात आणण्याचा संकल्प केला आहे, ज्यांचा राजकारणाशी काहीही संबंध नाही. त्यांना नव्या राजकारणाचे केंद्रस्थान बनवले जाईल. आमच्या सरकारमध्ये कोणाशीही भेदभाव केला जात नाही.

दशकों बाद बनारस के विकास के लिए इतना काम एक साथ हो रहा है। आज मैं काशीवासियों के सामने यह महत्वपूर्ण सवाल उठा रहा हूं… pic.twitter.com/8X0r5bSY1o

— Narendra Modi (@narendramodi) October 20, 2024

आम्ही जे बोलतो, ते करुन दाखवतो...
आपल्या तिसऱ्या कार्यकाळातील पंतप्रधान मोदींचा हा दुसरा वाराणसी दौरा होता. या दौऱ्यात त्यांनी आरजे शंकरा नेत्र रुग्णालयाचे उद्घाटन केले आणि शंकराचार्य स्वामी शंकर विजयेंद्र सरस्वती यांची भेट घेऊन त्यांची प्रकृती जाणून घेतली. आपल्या भाषणात राम मंदिराच्या उभारणीचा संदर्भ देत पीएम मोदी म्हणाले की, 'आम्ही जे बोलतो, ते कुठल्याही परिस्थितीत करुन दाखवतो. अयोध्येत भव्य राम मंदिर बांधले जाईल, असे आम्ही सांगितले होते आणि ते आम्ही करुन दाखवले. आज लाखो लोक रामललाच्या दर्शनासाठी अयोध्येला जात आहेत.'

21वीं सदी के नए भारत ने हेल्थकेयर के प्रति पुरानी सोच और अप्रोच को बदल दिया है। आज आरोग्य से जुड़ी हमारी रणनीति के ये पांच स्तंभ हैं… pic.twitter.com/ijYeg2o235

— Narendra Modi (@narendramodi) October 20, 2024

संपूर्ण देशाचा आशीर्वाद मिळाला
मोदी पुढे म्हणतात, 'आमच्या सरकारने तिहेरी तलाकपासून स्वातंत्र्य आणि महिलांना आरक्षण देण्याचे काम केले आहे. सरकारने कोणाचा हक्क हिरावून घेतलेला नाही, उलट गरिबांना दहा टक्के आरक्षण देण्याचे कामही केले आहे एनडीए सरकार जे काही करत आहे, त्याला संपूर्ण देश आशीर्वाद देत आहे. हरयाणात सलग तिसऱ्यांदा एनडीएचे सरकार स्थापन झाले. जम्मू-काश्मीरच्या विधानसभा निवडणुकीत आम्हाला विक्रमी मते मिळाली.'