आता ‘खर्च करा आणि जगा’, नाही तर ‘बचत करा आणि प्रगती करा’ हाच ‘जेन-झी’चा मंत्र!

फेडरल व मॅकिन्सेच्या अलीकडील अहवालानुसार, आर्थिक अनिश्चितता, वाढती महागाई आणि जॉब मार्केटमधील अस्थिरतेमुळे ही पिढी आता ‘स्मार्ट कंझ्युमर’ बनली आहे. ही पिढी संपत्तीनिर्मितीवर अधिक लक्ष केंद्रित करत आहेत.

नवी दिल्ली : नव्या पिढीची म्हणजेच ‘जेन-झी’ची उपभोग घेण्याची पद्धत वेगाने बदलत आहे. जुन्या पिढ्या ‘खर्च करा व जगा’ या तत्त्वावर चालत होत्या, तिथे नवी पिढी आता विचारपूर्वक, गरजेनुसार खर्च करण्यावर भर देत आहे.

   फेडरल व मॅकिन्सेच्या अलीकडील अहवालानुसार, आर्थिक अनिश्चितता, वाढती महागाई आणि जॉब मार्केटमधील अस्थिरतेमुळे ही पिढी आता ‘स्मार्ट कंझ्युमर’ बनली आहे. ही पिढी संपत्तीनिर्मितीवर अधिक लक्ष केंद्रित करत आहेत.

डिजिटल प्रभाव व नियंत्रित खर्च

डिजिटल युगात वाढलेली ही पिढी ‘इन्स्टंट बाय’ऐवजी ‘रिसर्च-अँड-बाय’ संस्कृतीचा वापर करत आहे. खरेदी करण्यापूर्वी ते सखोल संशोधन, रिव्ह्यू आणि प्राइस ट्रॅकिंगचा वापर करतात. भारतातील शहरी भागातील तरुण भाड्याने मिळणाऱ्या सेवांकडे वळत आहेत.

दिखाव्यापासून दूर, खर्चात कपात

विचार न करता खर्च करण्याची प्रवृत्ती जेन-झीमध्ये कमी झाली आहे.

सोशल मीडियाच्या प्रभावापेक्षा ते वस्तूची किंमत, गुणवत्ता, उपयोगिता तपासतात.

ही पिढी डिस्काउंट, सेकंड-हँड वस्तू, स्वस्त पर्यायांना पसंती देत आहे.

नवीन कौशल्ये शिकण्याला ते जास्त महत्त्व देतात.

भारतीय तरुण कुठे खर्च करतात?

८५% जेन-झी अशा श्रेण्यांमध्ये खर्च करण्यास तयार आहेत, जिथे त्यांना योग्य मूल्य मिळते.

३४%तरुणांचे कपड्यांवर खर्च करण्यास प्राधान्य.

२९% तरुण सौंदर्य प्रसाधनांवर खर्च करण्यास प्राधान्य देतात.