नवी दिल्ली: लोकसभा अध्यक्ष ओम बिर्ला यांच्याविरोधात विरोधकांनी आणलेला अविश्वास प्रस्ताव लोकसभेत आवाजी मतदानाने फेटाळण्यात आला. दोन दिवस चाललेल्या चर्चेनंतर हा प्रस्ताव नामंजूर करण्यात आला असून, आता ओम बिर्ला लोकसभा अध्यक्षपदी कायम राहणार आहेत.
दोन दिवस चालली चर्चा
विरोधी पक्षांनी लोकसभा अध्यक्ष ओम बिर्ला यांच्या कामकाजावर प्रश्न उपस्थित करत अविश्वास प्रस्ताव मांडला होता. या प्रस्तावावर लोकसभेत सलग दोन दिवस चर्चा झाली. चर्चेदरम्यान सत्ताधारी आणि विरोधी पक्षांमध्ये जोरदार आरोप-प्रत्यारोप झाले.
अमित शाह यांचे अध्यक्षांच्या बाजूने समर्थन
चर्चेदरम्यान केंद्रीय गृहमंत्री अमित शाह यांनी लोकसभा अध्यक्षांचे जोरदार समर्थन केले. त्यांनी सांगितले की, अध्यक्षांचे पद पक्षीय राजकारणापेक्षा वरचे आहे आणि त्यांच्या निष्ठेवर प्रश्न उपस्थित करणे योग्य नाही. त्याचवेळी त्यांनी विरोधकांवर टीका करत संसदीय नियम आणि परंपरांचे पालन करण्याचे आवाहन केले.
बोलण्याची वेळ येते, तेव्हा राहुल गांधी परदेश दौर्यावर जातात; शाहांच्या टीकेवर लोकसभेत गोंधळ
आवाजी मतदानाने प्रस्ताव फेटाळला
चर्चा संपल्यानंतर अविश्वास प्रस्तावावर मतदान घेण्यात आले. आवाजी मतदानाच्या आधारे लोकसभेने हा प्रस्ताव फेटाळून लावला. यामुळे आता ओम बिर्ला लोकसभा अध्यक्षपदी कायम राहणार असून विरोधकांचा प्रयत्न अपयशी ठरला आहे. दरम्यान, अविश्वास प्रस्तावावर आवाजी मतदानानंतर, पीठासीन अधिकारी जगदंबिका पाल यांनी उद्या (१२ मार्च) सकाळी ११ वाजेपर्यंत सभागृह तहकूब करण्याची घोषणा केली.
Web Summary : The no-confidence motion against Lok Sabha Speaker Om Birla was rejected by a voice vote after a two-day debate. Home Minister Amit Shah supported Birla, emphasizing the Speaker's impartiality. The opposition's effort failed, and Birla remains Speaker.
Web Summary : लोकसभा अध्यक्ष ओम बिड़ला के खिलाफ अविश्वास प्रस्ताव दो दिन की बहस के बाद ध्वनि मत से खारिज कर दिया गया। गृह मंत्री अमित शाह ने बिड़ला का समर्थन करते हुए अध्यक्ष की निष्पक्षता पर जोर दिया। विपक्ष का प्रयास विफल रहा, और बिड़ला अध्यक्ष बने रहेंगे।