नवी दिल्ली - देशात कोरोनाने थैमान घातले आहे. रुग्णसंख्येने दहा लाखांचा टप्पा पार केला आहे. याच दरम्यान अनेक धक्कादायक घटना समोर येत आहेत. चॅनल बदलण्यासाठी रिमोटचा केलेला हट्ट एका चिमुकलीच्या जीवावर बेतल्याची धक्कादायक घटना समोर आली आहे. रिमोट मागितला म्हणून सात वर्षांच्या मुलीची हत्या करण्यात आली आहे. या घटनेने परिसरात एकच खळबळ उडाली असून याप्रकरणी पोलीस अधिक तपास करत आहेत.
तामिळनाडूच्या सथंकुलममध्ये हा भयंकर प्रकार घडला आहे. चॅनल बदलायला सांगितल्याने रागाच्या भरात मुलीची गळा दाबून हत्या करण्यात आल्याचा संतापजनक प्रकार समोर आला आहे. पोलिसांनी याप्रकरणी आरोपीविरोधात गुन्हा दाखल केला आहे. ही धक्कादायक घटना शहरात घडली. मिळालेल्या माहितीनुसार, सात वर्षांची मुलगी तिसरीमध्ये शिकत होती. घरामध्ये वीज नसल्यामुळे ती शेजारच्यांकडे टीव्ही पाहण्यासाठी गेली. त्याचवेळी शेजारी राहत असलेली व्यक्ती चिमुकलीच्या वडिलांसोबत वाद घालत होती.
शेजाऱ्याने लावलेलं चॅनल मुलीला पाहायचा नव्हता. त्यामुळे चॅनल बदलण्यासाठी ती हट्ट करू लागली. चॅनल बदलण्यासाठी रिमोट देण्याची मागणी करू लागली. त्याचवेळी संतापलेल्या शेजाऱ्याने रागाच्या भरात चिमुकलीचा गळा दाबला आणि हत्या केली. आरोपीने गुन्हा लपवण्यासाठी चिमुकलीचा मृतदेह एका प्लास्टिकच्या ड्रममध्ये लपवून ठेवला. मृतदेहाची विल्हेवाट लावताना काही लोकांनी पाहिलं आणि याबाबत पोलिसांना माहिती दिली. पोलिसांनी याप्रकरणाची चौकशी केली असता हा धक्कादायक प्रकार समोर आला आहे. एका इंग्रजी वेबसाईटने याबाबतचे वृत्त दिले आहे.
महत्त्वाच्या बातम्या
CoronaVirus News : त्या तिघांनी दिले पाचशेहून अधिक कोरोनारुग्णांना जीवनदान
बापरे! बेडच्या बॉक्समध्ये चुकून लॉक झाल्या आजी अन्..; जाणून घ्या नेमकं काय घडलं?
CoronaVirus News : कोरोनापुढे अमेरिकाही हतबल! 24 तासांत आढळले तब्बल 68,428 नवे रुग्ण
CoronaVirus News : 'प्लाझ्मा दान करा आणि 5000 मिळवा'; 'या' सरकारने घेतला मोठा निर्णय
CoronaVirus News : बापरे! कोरोनाग्रस्ताला आली पान मसाल्याची तलफ, रुग्णालयातून काढला पळ अन्...