नववर्षाच्या सुरुवातीला रेल्वेकडून प्रवाशांना भाडेवाढीचं गिफ्ट   

रेल्वेने केलेली नवी भाडेवाढ ही 1 जानेवारी 2020 पासून लागू होणार आहे.

नवी दिल्ली - नववर्षाच्या सुरुवातीला भारतीय रेल्वेकडून देशभरातील कोट्यवधी प्रवाशांना भाडेवाढीचे गिफ्ट  दिले आहे. रेल्वेने केलेली नवी भाडेवाढ ही 1 जानेवारी 2020 पासून लागू होणार आहे. त्यामुळे उद्यापासून रेल्वेमधून प्रवास करणाऱ्या प्रवाशांना आपला खिसा अधिक रिकामा करावा लागणार आहे. रेल्वेने आपल्या प्रवासी भाडेदरामध्ये कमाल 4 पैशांपर्यंत वाढ करण्यात आली आहे. 

रेल्वेने मेल/एक्स्प्रेसच्या नॉन एसीच्या भाड्यात दोन पैसे प्रति किमी एवढी वाढ करण्यात आली आहे. तर एसी ट्रेनच्या भाड्यामध्ये 4 पैसे प्रतिकिमी एवढी वाढ करण्यात आली आहे. मात्र रेल्वेच्या उपनगरीय लोकलसेवेच्या प्रवासी भाडेदरात कुठलीही वाढ करण्यात आलेली नाही. 

Ministry of Railways revises the basic passenger fare as per revised passenger fare table published by Indian Railway Conference Association (IRCA), effective from January 1, 2020. pic.twitter.com/SFlDt0bIv1

— ANI (@ANI) December 31, 2019

 रेल्वेच्या तिकिटांमध्ये झालेली भाडेवाढ पुढीलप्रमाणे 

ऑर्डिनरी नॉन एसीचे भाडे 
सेकंड क्लास ऑर्डिनरी - एक पैसा प्रतिकिमी 
स्लीपर क्लास ऑर्डिनरी - एक पैसा प्रतिकिमी 
फर्स्ट क्लास ऑर्डिनरी - एक पैसा प्रतिकिमी
 
मेल/एक्स्प्रेस नॉन एसीचे भाडे
सेकंड क्लास (मेल/एक्स्प्रेस) - 2 पैसे प्रति किमी 
स्लीपर क्लास ( मेल/एक्स्प्रेस) - 2 पैसे प्रति किमी
 फर्स्ट क्लास (मेल/एक्स्प्रेस) - 2 पैसे प्रति किमी 
  
एसी ट्रेनचे भाडे 
एसी चेअर कार - 4 पैसे प्रति किमी 
एसी 3 टियर - 4 पैसे प्रति किमी 
एसी 2 टियर - 4 पैसे प्रति किमी 
एसी फर्स्ट क्लास/ इकॉनॉमी क्लास/ एक्झिक्युटिव्ह क्लास - 4 पैसे प्रतिकिमी