LPG-PNG ची चिंता मिटली! देशभरात गॅस अन् पेट्रोल-डिझेलचा पुरवठा सुरळीत, केंद्राची स्पष्टोक्ती

LPG Crisis: पेट्रोलियम मंत्रालयाने आज पत्रकार परिषदेत एलपीजी आणि पेट्रोल-डिझेलचा तुटवडा नसल्याचे स्पष्ट केले.

Iran War LPG Crisis: अमेरिका आणि इराणमध्ये युद्धविराम (सीझफायर) झाल्यानंतर इंधन पुरवठ्याबाबत केंद्र सरकारने मोठी माहिती दिली आहे. केंद्रीय पेट्रोलियम मंत्रालयाने स्पष्ट केले की, देशात LPG, PNG तसेच पेट्रोल-डिझेलचा पुरवठा सुरळीत असून कोणतीही टंचाई नाही.

LPG पुरवठा सुरळीत

मंत्रालयातील संयुक्त सचिव सुजाता शर्मा यांनी सांगितले की, देशभरात दररोज सुमारे १ लाख LPG सिलेंडरची विक्री होत आहे. LPG वितरक आणि पेट्रोल पंपांकडे पुरेसा साठा उपलब्ध असून, कोणत्याही कमतरतेची नोंद नाही. तसेच, ९८% LPG बुकिंग ऑनलाइन होत असून घरगुती गॅसचा पुरवठाही नियमित सुरू आहे.

LPG distributors and petrol pumps have sufficient stock with no reported shortages. Domestic LPG supply remains normal with 98% online bookings, while commercial LPG is 70% restored, with around 1,06,000 tonnes sold since 14 March and 6,000 to 6,500 tonnes sold daily.

Support… pic.twitter.com/nFcCLqG1yc

— PIB India (@PIB_India) April 10, 2026

कमर्शियल LPG सप्लाय ७०% पर्यंत पूर्ववत

मंत्रालयाच्या माहितीनुसार, कमर्शियल LPG गॅस पुरवठादेखील ७०% पर्यंत पूर्ववत झाला आहे. १४ मार्चपासून आतापर्यंत सुमारे १ लाख ६ हजार टन LPG विक्री झाली असून दररोज ६,००० ते ६,५०० टन विक्री होत आहे.

५ किलो सिलेंडरबाबत मोठा निर्णय

५ किलो LPG सिलेंडरबाबतही सरकारने महत्त्वाचा निर्णय घेतला आहे. ओळखपत्राशिवाय मिळणाऱ्या ५ किलो सिलेंडरचा पुरवठा दुप्पट करण्यात आला आहे आहे. तसेच, दररोज सुमारे १ लाख सिलेंडर विक्री होत असून, २३ मार्चपासून आतापर्यंत ११ लाख सिलेंडर विक्री झाली आहे.

PNG वापराला प्रोत्साहन

याशिवाय, नागरिकांना PNG वापराकडे वळवण्यासाठी देशभरात २,४०० हून अधिक जनजागृती शिबिरे आयोजित करण्यात आली आहेत. नैसर्गिक वायू पुरवठ्याबाबत औद्योगिक क्षेत्राला सुमारे ८० टक्के आणि खत क्षेत्राला ९५ टक्के पुरवठा पूर्ववत झाल्याची माहितीही मंत्रालयाने दिली.