Air India plane crash Update: एअर इंडियाच्या विमानअपघातानंतरअहमदाबादमधील सिव्हिल रुग्णालयाबाहेर दृश्य ह्रदय पिळवटून टाकणारे होते. मयत आणि जखमींच्या नातेवाईकांच्या आक्रोशाने रुग्णालय परिसर हादरून गेला होता. मयत आणि जखमी रुग्णांचे नातेवाईक रुग्णालयात जाऊ देण्यासाठी हात जोडत होते.
'लोकमत'चं WhatsApp चॅनल फॉलो करा!
एअर इंडियाच्या विमानअपघातात अनेकांना आपले प्राण गमवावे लागले. अहमदाबाद विमानतळापासून अवघ्या काही अंतरावर झालेल्या या भीषण अपघाताने अनेक कुटुंबीयांवर मोठा आघात केला आहे. अनेकांचा आगीत होरपळून मृत्यू झाल्याने मृतांची ओळख पटवणे अवघड झाले.
रुग्णालयाबाहेर प्रचंड गर्दी
अपघातग्रस्त विमानात तब्बल २४२ जण होते. त्यात हे विमान एका नागरी भागात कोसळले. एका वैद्यकीय महाविद्यालयाच्या वसतिगृहावर कोसळल्याने मृतांचा आणि जखमींचा आकडाही मोठा आहे.
या घटनेची माहिती मिळाल्यानंतर मृतांच्या आणि जखमींच्या नागरिकांनी रुग्णालयाकडे धाव घेतली. अहमदाबाद सिव्हिल रुग्णालयाबाहेर मोठी गर्दी झाली. रुग्णालयात गर्दी होऊ नये म्हणून लोकांना बाहेरच रोखले जात आहे.