अश्रूंचा बांध फुटला... राजवीर यांना शेवटचा निरोप देताना पत्नी कर्नल दीपिका चौहान भावूक ( Video )

Kedarnath Helicopter Crash, Rajveer Singh Chauhan Funeral Video: राजवीर सिंह हे केदारनाथ हेलिकॉप्टर अपघातात मृत्युमुखी पडले. राजवीर-दीपिका हे चार महिन्यांपूर्वीच जुळ्या मुलांचे आई-बाबा झाले होते.

Kedarnath Helicopter Crash, Rajveer Singh Chauhan Funeral Video: केदारनाथ जवळ दोन दिवसांपूर्वी हेलिकॉप्टर कोसळले. या अपघातात पायलटसह सात जणांचा मृत्यू झाला. मृतांमध्ये राजस्थानच्या जयपूर येथील माजी लष्करी अधिकारी राजवीर सिंह चौहान यांचा समावेश होता. ते या हेलिकॉप्टरचे पायलट होते. पायलट राजवीर सिंह चौहान हे भारतीय सैन्यातून निवृत्त झाले होते. त्यांनी तब्बल १५ वर्षे १० महिने देशाची सेवा केली आणि लेफ्टनंट कर्नल पदावर असताना निवृत्त झाले. सैन्यात असताना त्यांनी बराच काळ फ्लाइंग ऑपरेशन्स मॅनेजर म्हणून काम केले होते. त्यांचा केदारनाथ हेलिकॉप्टर अपघातात दुर्दैवी अंत झाला. त्यांच्यावर आज राजस्थानमध्ये अंत्यसंस्कार करण्यात आले. त्यांना शेवटचा निरोप देताना पत्नी लेफ्टनंट कर्नल दीपिका चौहान (wife Lt Colonel Deepika Chauhan emotional) यांच्या अश्रूंचा बांध फुटला. इतर कुटुंबीय, नातेवाईक आणि उपस्थित लोकही भावूक झाल्याचे दिसून आले.

अन् अश्रूंचा बांध फुटला...

राजस्थानच्या जयपूर शहरात निवृत्त लेफ्टनंट कर्नल राजवीर सिंग चौहान वास्तव्यास होते. अपघातानंतर त्यांचे पार्थिव जयपूरमध्ये आणण्यात आले. त्यांच्या पार्थिवावर आज अंत्यसंस्कार करण्यात आले. यावेळी जयपूरच्या शास्त्री नगर परिसरातून त्यांची अंत्ययात्रा काढली गेली. यावेळी राजवीर यांची पत्नी लेफ्टनंट कर्नल दीपिका चौहान यांनी हातात राजवीर यांचा फोटो घेतला होता. त्या अंत्ययात्रेत सर्वात पुढे चालत होत्या. त्यांच्या डोळ्यातील अश्रू पाहून सारेच गहिरवले.

#WATCH | Jaipur, Rajasthan: Lt Colonel Rajveer Singh Chauhan (Retd) was one of the seven people who died in a helicopter crash in Kedarnath, Uttarakhand on June 15.

Visuals from Shastri Nagar as his wife, Lt Colonel Deepika Chauhan, Rajasthan Minister Rajyavardhan Singh Rathore… pic.twitter.com/iudUvCoHhM

— ANI (@ANI) June 17, 2025

----

#WATCH | Jaipur, Rajasthan: Lt Colonel Deepika Chauhan bids a tearful goodbye to her husband, Lt Colonel Rajveer Singh Chauhan (Retd), who was the pilot of the helicopter that crashed in Kedarnath, Uttarakhand, on June 15.

The retired Lt Colonel & 6 others died in the crash. pic.twitter.com/HW0yBfwF4N

— ANI (@ANI) June 17, 2025

चार महिन्यांपूर्वीच झाले होते जुळ्या मुलांचे वडील

रविवारी सकाळी राजवीर सिंह चौहान यांचे बेल ४०७ हेलिकॉप्टर उत्तराखंडमधील गौरीकुंडजवळ अपघातग्रस्त झाले. या हेलिकॉप्टरमध्ये कॅप्टन चौहान यांच्यासह सहा भाविक होते. दुर्दैवाने, या अपघातात सर्वांचा मृत्यू झाला. राजवीर सिंह चौहान हे मूळचे राजस्थानचे होते. चौहान २००९ मध्ये भारतीय सैन्यात सामील झाले आणि तिथे लेफ्टनंट कर्नल झाले. चौहान यांनी २००७ मध्ये राजस्थान विद्यापीठातून अर्थशास्त्रात बीए पदवी प्राप्त केली. राजवीर सिंह चार महिन्यांपूर्वीच जुळ्या मुलांचे वडील झाले.