अजानच्या वेळी हनुमान चालीसा लावल्याने तरुणाला मारहाण, भाजपचा काँग्रेसवर निशाणा

Karnataka Hanuman Chalisa: या घटनेचा व्हिडिओ सोशल मीडियावर मोठ्या प्रमाणात व्हायरल होतोय.

Karnataka Hanuman Bhajan: सध्या रमजानचा पवित्र महिना सुरू आहे. अशातच बंगळुरुमधून एक धक्कादायक घटना समोर आली आहे. अजानच्या वेळी हनुमान चालीसा लावल्यामुळे एका दुकानदाराला टोळक्याने बेदम मारहाण केली. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे. टोळक्याने जीवे मारण्याची धमकी दिल्याचा आरोप दुकानदार तरुणाने केला आहे.

#WATCH | Karnataka: An altercation occurred between a group of people and a shopkeeper last evening during 'Azaan' time when a shopkeeper played a song loudly near Siddanna Layout, in Bengaluru. A few Muslim youths questioned him, and an argument ensued, leading to them hitting… pic.twitter.com/L0f0rxlfSR

— ANI (@ANI) March 18, 2024

मिळालेल्या माहितीनुसार, ही घटना बंगळुरुच्या नागरथपेठ परिसरात घडली. एएनआय वृत्तसंस्थेशी बोलताना पीडित तरुण म्हणाला, 'मी संध्याकाळी 6 वाजता दुकानातील स्पीकरवर हनुमान चालीसा लावली होती. यावेळी काही जणांनी मला हनुमान चालीसा बंद करण्यास सांगितले. मी त्यांना नकार दिल्यावर त्यांनी वाद घातला आणि मला मारहाण सुरू केली.' हल्ला करणाऱ्या टोळक्यापैकी 2 ते 3 जणांना तो ओळखतो. 

#WATCH | Bengaluru, Karnataka: "I was playing Hanuman bhajan. 4-5 people came and said it is time for Azaan and if you play it we will beat you. They beat me and also threatened me that they would stab me with a knife," says the shopkeeper who was attacked by a group of over five… https://t.co/0ONOXqm2Swpic.twitter.com/QaS7joDqe8

— ANI (@ANI) March 18, 2024

पोलीस काय म्हणाले?
या प्रकरणाबाबत पोलिसांनी सांगितले की, हलसूरू गेट पोलिस हद्दी पोलिस ठाण्यात एफआयआर दाखल करण्यात आला आहे. आरोपींना पकडण्यासाठी पोलिसांनी पथके रवाना केली आहेत. लवकरच आरोपींना ताब्यात घेतले जाईल.

भाजपची काँग्रेसवर टीका
या घटनेनंतर भाजप खासदार तेजस्वी सुर्या यांनी काँग्रेसवर जोरदार टीका केली. 'अशा घटकांना प्रोत्साहन देणे, हा काँग्रेसच्या तुष्टीकरणाच्या राजकारणाचा परिणाम आहे. काही दिवसांपूर्वीच पाकिस्तान जिंदाबादच्या घोषणा देणाऱ्या लोकांना जामीन देण्यात आला होता. जिहादींना असे राजकीय पाठबळ मिळाल्याने साहजिकच आपल्या राज्यात हिंदूंविरुद्धच्या अशा गुन्ह्यांच्या घटना वाढल्या आहेत. मुख्यमंत्र्यांनी चुकीचे उदाहरण मांडणे बंद करावे,' अशी टीका त्यांनी केली.