मध्यपूर्वेत सुरू अमेरिका-इस्रायल आणि इराण युद्धामुळे आशिया खंडातील देशांना तेल आणि गॅसच्या तीव्र टंचाईचा सामना करावा लागत आहे. भारतातही एलपीजीच्या तुटवड्याची चिन्हे दिसत असतानाच आता एक दिलासादायक बातमी समोर आली आहे. रविवारी (२२ मार्च) 'पाइक्सिस पायनियर' नावाचे एक जहाज मोठ्या प्रमाणावर एलपीजी गॅस घेऊन समुद्रातून धावत भारतात दाखल झाले आहे.
आगामी काही आठवड्यातच तब्बल ७२७०० टन एलपीजी साठा पोहोचण्याची शक्यता -'द हिंदू'ने दिलेल्या वृत्तानुसार, आगामी काही आठवड्यातच न्यू मंगळुरू बंदरात तब्बल ७२७०० टन एलपीजी साठा पोहोचण्याची शक्यता आहे. याला रविवारपासून सुरुवात झाली. सिंगापूरचा ध्वज असलेले 'पाइक्सिस पायनियर' हे जहाज १६७१४ टन गॅस घेऊन भारतात पोहोचले. १४ फेब्रुवारी रोजी नेदरलँडहून निघालेले हे जहाज 'एजिस लॉजिस्टिक लिमिटेड'साठी गॅस उतरवेल आणि सोमवारी सकाळी पुन्हा रवाना होईल.
यानंतर, २५ मार्च रोजी, 'अपोलो ओसिएन' हे व्हिएतनामचे जहाज २६६८७ टन एलपीजी घेऊन गुजरातच्या वाडिनार बंदरावरून मंगळुरूत दाखल होईल. हा साठा कोइंडियन ऑयल कॉर्पोरेशन लिमिटेड आणि भारत पेट्रोलियमसाठी असेल. दरम्यान, यापूर्वी १८ मार्चला दाखल होणारे 'शिवालिक' हे जहाज वाडिनारमध्येच, आपला माल अपोलो ओसिएनकडे सोपवून परतले आहे.
अमेरिकेहून ३०००० टन एलपीजी -या साखळीचा शेवटचा टप्पा २९ मार्च रोजी पूर्ण होईल, या टप्प्यात अमेरिकेहून ३०००० टन एलपीजी घेऊन आणखी एक टँकर हिंदुस्थान पेट्रोलियम कॉर्पोरेशन लिमिटेडसाठी (HPCL) पोहोचेल. मंगळुरु येथील एचपीसीएलचा प्लांटद्वारे, हा गॅस स्थानिक बॉटलिंग प्लांट आणि पाईपलाईनद्वारे बेंगळुरूसह इतर शहरांना पुरवला जातो. या मोठ्या खेपेमुळे आगामी काळात भारतातील गॅस पुरवठा अधिक मजबूत होण्याची आशा व्यक्त केली जात आहे.
Web Summary : Amidst Middle East tensions, India receives vital LPG shipment, easing potential shortages. 'Pioneer' arrived with gas; more shipments are expected from Vietnam and the US, boosting India's gas supply.
Web Summary : मध्य पूर्व तनाव के बीच, भारत को महत्वपूर्ण एलपीजी शिपमेंट मिला, जिससे संभावित कमी कम हुई। 'पायनियर' गैस के साथ पहुंचा; वियतनाम और अमेरिका से और शिपमेंट की उम्मीद है, जिससे भारत की गैस आपूर्ति बढ़ेगी।