'मोनालिसाच्या मृतदेहाचे ३५ तुकडे मिळतील', फरमानसोबत लग्न केल्यानंतर साध्वी प्राची यांचे विधान

Monalisa Marriage: कुंभमेळ्यामुळे प्रसिद्ध झालेली मोनालिसा भोसले हिचे लग्न वादाचा विषय बनले आहे. साध्वी प्राची आर्या यांनी तिची हत्या होईल, असे विधान केले आहे. 

कुंभमेळ्यात व्हायरल झालेल्या मोनालिसा भोसले हिने फरमान खान याच्यासोबत लग्न केले. हा लव्ह जिहाद असल्याचा आरोप केला गेल्याने त्यांचे लग्न वादात सापडले. मोनालिसा आणि तिचा पती फरमान यांनी पत्रकार परिषद घेऊन खुलासा केला असला, तरी हा वाद थांबलेला नाही. आता साध्वी प्राची आर्या यांनी मोनालिसाची हत्या होईल आणि तिच्या मृतदेहाचे ३५ तुकडे मिळतील असे म्हटले आहे. 

साध्वी प्राची म्हणाल्या, फरमानने हिंदू धर्म स्वीकारून लग्न केले असते, तर आम्ही त्याचे स्वागतच केले असते. पण, त्याने मोनालिसासोबत लव्ह जिहाद केला आहे. मोनालिसा ही माध्यमांनी मोठी केलेली मुलगी आहे. तिला ना लव्ह जिहाद माहीत आहे, ना मदरशांमध्ये दिल्या जाणाऱ्या प्रशिक्षणाबद्दल.

मोनालिसाचा मृतदेह फ्रीजमध्ये मिळेल 

फरमान खान आणि मोनालिसा यांच्या लग्नाबद्दल साध्वी आर्या म्हणाल्या, 'मोनालिसासोबत लवकरच दगाफटका होईल. जेव्हा तिची कमाई बंद होईल, तेव्हा तिचे ३५ तुकडे मिळतील. मोनालिसाची अवस्थाही निकिता तोमर हत्याकांडासारखीच होईल.'

'श्रद्धा वालकरसारखीच तिची हत्या होऊ शकते. तिचा मृतदेह फ्रीजमध्ये मिळेल. हा लव्ह जिहाद आहे. फरमानने हिंदू धर्म स्वीकारायला हवा होता आणि नंतर लग्न करायला हवे होते', असे सांगत साध्वी प्राची म्हणाल्या की, 'हिंदू कुटुंबातील लोकांनी आपल्या मुलांच्या गळ्यात डुकराचा दात बांधावा जेणेकरून दृष्ट त्यांच्याजवळ येणार नाही.'   

हिंदू मुलींना फसवून लग्न केलं जातं

साध्वी प्राची म्हणाल्या की, मोनालिसा ही मीडियाने मोठी केलेली मुलगी आहे. तिला लव्ह जिहाद आणि मदरशांमध्ये दिल्या जाणाऱ्या प्रशिक्षणाविषयी माहिती नाही. हिंदू मुलींना फसवून त्यांच्यासोबत लग्न केले जाते. त्यानंतर त्यांना धोका दिला जातो. त्याचे नाते हे समाजासाठी मोठा धोका आहे. येणाऱ्या काळात याचे गंभीर परिणाम होतील. 

'हिंदू कुटुंबांनी आपल्या मुलांना आपल्या संस्कृतीबद्दल जागरूक करावे. मुलांना असे घडवावे की, दुसऱ्या धर्माचे त्यांच्यापासून दूर राहतील', असेही साध्वी प्राची म्हणाल्या आहेत.