Hyderabad Rape-Murder Case : विकृतीचा कळस! मृतदेह पूर्णपणे जळाल्याची खात्री करण्यासाठी 'ते' पुन्हा आले

पोलिसांनी आरोपींची चौकशी केली असता अनेक धक्कादायक गोष्टी समोर येत आहेत.

हैदराबाद - हैदराबादमध्ये 26 वर्षीय वेटरनरी डॉक्टरवर बलात्कार करून तरुणीला जाळून मारण्यात आल्याची धक्कादायक घटना घडली आहे. तेलंगणामधील रंगा रेड्डी जिल्ह्यातील एका सबवेमध्ये तिचा जळालेला मृतदेह आढळून आला आहे. सायबराबाद पोलिसांनी तपासानुसार मुख्य सूत्रधार ट्रक चालक मोहम्मद पाशाला अटक केली त्यानंतर इतर तीन आरोपींना बेड्या ठोकल्या आहेत. पोलिसांनी आरोपींची चौकशी केली असता अनेक धक्कादायक गोष्टी समोर येत आहेत. डॉक्टरवर सामूहिक बलात्कार करून नंतर तिचा मृतदेह जाळून आरोपी पसार झाले होते. मात्र मृतदेह पूर्णपणे जळाला का हे पाहण्यासाठी ते घटनास्थळी परत आल्याची धक्कादायक माहिती आता समोर आली आहे. 

आरोपींनी पीडितेला जबरदस्तीने दारू पाजण्याचा देखील प्रयत्न केला. तसेच बलात्कारानंतर तिला जाळले आणि पसार झाले. मात्र मृतदेह पूर्णपणे जळाला की नाही याची खात्री करून घेण्यासाठी ते घटनास्थळी पुन्हा एकदा आले होते. शिवा आणि नवीन या दोन आरोपींनी राष्ट्रीय महामार्ग 44 वर शमशाबाद आणि शादनगरच्या दरम्यान संपूर्ण रस्त्याची पाहणी केली. नंतर चट्टनपल्ली गावामधील एका ठिकाणी त्यांनी मृतदेह जाळला. यानंतर ते तिथून पसार झाले. मात्र मृतदेह पूर्णपणे जळला की नाही याची हे पाहण्यासाठी, त्याची खात्री करून घेण्यासाठी काही वेळाने ते पुन्हा त्या ठिकाणी आल्याची माहिती पोलीस तपासात समोर आली आहे. 

Hyderabad Rape-Murder Case : वेगाने सुनावणीसाठी फास्ट ट्रॅक स्थापनhttps://t.co/feSA1cRD7s#HyderabadHorror

— Lokmat (@MiLOKMAT) December 2, 2019

बलात्कार आणि हत्या प्रकरणाची वेगाने चौकशी होण्यासाठी तेलंगणाचे मुख्यमंत्री के. चंद्रशेखर राव यांनी जलदगती न्यायालय (फास्ट ट्रॅक कोर्ट) स्थापन करण्याची व तिच्या कुटुंबियांना आवश्यक ती सर्व मदत करण्याची घोषणा केली. बलात्कार व हत्या प्रकरण हे फारच भयंकर असून, मला तीव्र वेदना झाल्याचे राव यांनी म्हटले. त्या घटनेनंतर राव प्रथमच जाहीरपणे बोलले असून अधिकाऱ्यांना त्यांनी जलदगती न्यायालयाच्या स्थापनेसाठी आवश्यक ती कार्यवाही करण्याचे आदेश दिले आहेत.

Telangana: Residents of Moosarambagh area of Hyderabad took out a protest march earlier tonight, against the rape and murder of a woman veterinary doctor in Ranga Reddy district on November 28. pic.twitter.com/sHexpAqiTx

— ANI (@ANI) December 1, 2019

पीडिता शादनगर येथील आपल्या घरातून शम्शाबाद स्थित कोल्लूर गावातील एका पशू चिकित्सालयात (वेटरनरी रुग्णालय) नोकरीसाठी निघाली होती. दरम्यान, पीडितेची स्कूटर शादनगर टोलनाक्याजवळ पंक्चर झाली होती. तिने तिची स्कूटर टोलनाक्याजवळ लावली आणि टॅक्सी करून ती पुढे ऑफिसला गेली. कामावरून परतत असताना पीडिता स्कूटरजवळ आली तेव्हा बुधवारी सायंकाळी तिने बहिणीला कॉल करून स्कूटर रिपेअर करण्याबाबत माहिती दिली. बहिणीने टॅक्सी करून परत ये असं सांगितले, तेव्हा पीडितेला काही माणसं माझी मदत करायला तयार आहेत असं सांगितलं. थोड्यावेळाने कॉल करते असं सांगून पीडितेनं फोन ठेवला आणि त्यानंतर तिचा फोन बंद पडला. तिचं बहिणीशी रात्री 9.15 वाजताच्यादरम्यान शेवटचं बोलणं झालं होतं.

दरम्यान, स्कूटरजवळ उभी असताना तिने तिच्या बहिणीला फोन केला होता. मी जिथे उभी आहे तिथे मला भीती वाटते आहे असं तिने बहिणीला सांगितलं होतं. या संभाषणानंतर तिचा फोन बंद झाला. शेवटी पीडितेच्या कुटुंबीयांनी शम्शाबाद पोलीस ठाण्यात हरवल्याची तक्रार दाखल केली. त्यानंतर दुसऱ्या दिवशी गुरुवारी सकाळची 6 वाजता दूधवाल्याला जळालेला मृतदेह आढळून आला. याबाबत त्याने पोलिसांना माहिती दिली. त्यानुसार पोलिसांनी पीडितेच्या कुटुंबियांना माहिती दिली. कुटुंबीय घटनास्थळी आले असतं त्यांना पीडितेचा स्कार्फ आणि चप्पल दिसली. पोलीस या प्रकरणाचा अधिक तपास करत आहेत.