पुणे/कोटा : राजस्थानमधील कोटा येथे दिल्ली-मुंबई महामार्गावर एक भीषण अपघात घडला आहे. एक भरधाव फॉर्च्युनर कार महामार्गावरून सुमारे ३० फूट खाली कोसळली. या घटनेत लेह-लडाखची सहल करून परतणाऱ्या पिंपरी-चिंचवडमधील तरुणांचा मृत्यू झाला असून, इतर काहीजण जखमी आहेत. सिद्धांत (21), कुणाल (25) आणि मयूरेवा (23) अशी मृतांची नावे आहेत.
परतीच्या प्रवासात घडला अपघात
मिळालेल्या माहितीनुसार, थेरगाव, वाकड आणि म्हाळुंगे परिसरातील 10 जणांचा 26 फेब्रुवारी रोजी ग्रुप तीन फॉर्च्युनर गाड्यांमधून लेह-लडाख सहलीसाठी गेला होता. सहलीवरून परतताना राजस्थानच्या कोटा जिल्ह्यातील कैथून पोलीस ठाणे हद्दीत बालापुरा आणि कराडिया दरम्यान सकाळी सुमारे 10.30 वाजता अपघात घडला. चालकाचे नियंत्रण सुटल्याने गाडी अचानक पलटली.
पोलिसांची कारवाई सुरू
अपघात इतका भीषण होता की, गाडीचा पूर्णपणे चक्काचूर झाला. या दुर्घटनेत पिंपरी-चिंचवडमधील तिघांचा मृत्यू झाला असून, इतर काही जण जखमी झाल्याची माहिती आहे. जखमींना जवळच्या रुग्णालयात उपचारासाठी दाखल करण्यात आले आहे. माहिती मिळताच राजस्थान पोलिसांनी घटनास्थळी पोहोचून मृतदेह ताब्यात घेतले आणि पोस्टमार्टमसाठी पाठवले आहेत. घटनेचा पुढील तपास सुरू असून, मृतदेह महाराष्ट्रात आणण्याची प्रक्रिया सुरू आहे.
Web Summary : A tragic Fortuner accident on the Delhi-Mumbai highway in Rajasthan claimed three lives. The victims, returning from a Leh-Ladakh trip, were from Pimpri-Chinchwad, Pune. Several others were injured, and police are investigating.
Web Summary : राजस्थान में दिल्ली-मुंबई हाईवे पर एक दुखद फॉर्च्यूनर दुर्घटना में तीन लोगों की जान चली गई। लेह-लद्दाख यात्रा से लौट रहे पीड़ित पिंपरी-चिंचवड, पुणे के थे। कई अन्य घायल हैं, पुलिस जांच कर रही है।