हिमाचल प्रदेशमध्ये बस नदीत कोसळून 9 जणांचा मृत्यू, 50 जण जखमी

हिमाचल प्रदेशच्या सिरमोर जिल्ह्यामध्ये रविवारी (25 नोव्हेंबर) भीषण अपघात झाल्याची घटना समोर आली आहे. पुलावरून एक खासगी बस कठडा तोडून थेट नदीपात्रात कोसळल्याने अपघात झाला.

ठळक मुद्देहिमाचल प्रदेशच्या सिरमोर जिल्ह्यामध्ये भीषण अपघात झाल्याची घटना समोर आली आहे. पुलावरून एक खासगी बस कठडा तोडून थेट नदीपात्रात कोसळल्याने अपघात झाला. अपघातात 9 जणांचा मृत्यू झाला असून 50 जण जखमी झाले आहेत.

नाहन - हिमाचल प्रदेशच्या सिरमोर जिल्ह्यामध्ये रविवारी (25 नोव्हेंबर) भीषण अपघात झाल्याची घटना समोर आली आहे. पुलावरून एक खासगी बस कठडा तोडून थेट नदीपात्रात कोसळल्याने अपघात झाला. या अपघातात 9 जणांचा मृत्यू झाला असून 50 जण जखमी झाले आहेत. जखमींना उपचारासाठी तातडीने जवळच्या रुग्णालयात दाखल करण्यात आले आहे. 

पोलिसांनी दिलेल्या माहितीनुसार, सिरमौर येथील रेणुका मार्गावर खाद्री गावाजवळ हा अपघात झाला. ही बस नाहन या ठिकाणी जात होती, बसचालकाचं नियंत्रण सुटल्याने हा अपघात झाला असावा असा प्राथमिक अंदाज आहे. कठडा तोडून ही बस थेट 40 फूट खाली नदीत कोसळली. 

अपघातात 9 जणांचा मृत्यू झाला असून मृतांमध्ये तीन महिलांचा समावेश आहे. गंभीर जखमी असलेल्या पाच जणांना रुग्णालयात उपचारासाठी दाखल करण्यात आले होते मात्र उपचारादरम्यानच त्यांचा मृत्यू झाला. अपघाताची माहिती मिळताच पोलीस घटनास्थळी  दाखल झाले असून तेथे बचावकार्य सुरू आहे.