अलविदा 2024...! सरत्या वर्षानं आपल्याला भरभरून दिलंय, नव्या वर्षासाठी प्रेरणादायी ठरेल आठवणींचा 'हा' कोलाज...

सरत्या वर्षाने आपल्याला भरभरून दिलंय. विज्ञान, तंत्रज्ञान, संशोधन, क्रीडा, कला आदी क्षेत्रांमध्ये आपल्या भारताने २०२४ या वर्षात नेत्रदीपक कामगिरी करत जागतिक स्तरावर आपला अमीट ठसा उमटविला. वर्षभरातील याच घटना, घडामोडींचा हा कोलाज आपल्याला नव्या वर्षाचे स्वागत करताना आणखी नवनवे माइलस्टोन पादाक्रांत करण्याची प्रेरणा देत राहील...

दिवसामागून दिवस जातात, महिने उलटतात अन् वर्षही सरत जातं... या वर्षभराच्या प्रवासात अनेक भल्याबुऱ्या घटना, प्रसंग अनुभवाला येतात. मागच्या पानावरून पुढे जात असताना याच अनेकविध आठवणींचा कोलाज आपल्याला साथ करत असतो. अपयशातून यशाची दिशा दाखवत असतो. नव्या आव्हानांना सामोरे जाण्याची ऊर्मी देत असतो. नव्या आशा जागवित असतो अन् त्याचबरोबर नव्या संकल्पांना गवसणी घालण्यासाठी आपल्याला ऊर्जाही देत असतो. सरत्या वर्षाने आपल्याला भरभरून दिलंय. विज्ञान, तंत्रज्ञान, संशोधन, क्रीडा, कला आदी क्षेत्रांमध्ये आपल्या भारताने २०२४ या वर्षात नेत्रदीपक कामगिरी करत जागतिक स्तरावर आपला अमीट ठसा उमटविला. वर्षभरातील याच घटना, घडामोडींचा हा कोलाज आपल्याला नव्या वर्षाचे स्वागत करताना आणखी नवनवे माइलस्टोन पादाक्रांत करण्याची प्रेरणा देत राहील...

जानेवारी -
अयोध्येतील राम मंदिराचे पंतप्रधान नरेंद्र मोदी यांच्या हस्ते उद्घाटनासह भारताच्या नव्या वर्षाची मंगलमय सुरुवात झाली. इस्रोने जानेवारीत नवीन उपग्रह लाँच करून देशाच्या अंतराळ क्षेत्रात मोठी कामगिरी केली. विराट कोहलीने आंतरराष्ट्रीय क्रिकेटमध्ये ७५ शतकांचा टप्पा गाठला. मथुरेत पहिल्या महिला सैनिकी शाळेचे उद्घाटन. फ्रान्सच्या राष्ट्राध्यक्षांची भारताला भेट. इस्रायल विरोधात आंतरराष्ट्रीय न्यायालयात खटला दाखल झाला. 

फेब्रुवारी -
इस्रोने फेब्रुवारीमध्ये गगनयान अभियानासाठी महत्त्वाचे प्रायोगिक प्रक्षेपण यशस्वी केले. तामिळनाडूमध्ये देशातील पहिले हायड्रोजन ऊर्जा प्रकल्प सुरू झाला. नागरिकांच्या वैयक्तिक डेटाचे संरक्षण करण्यासाठी डेटा संरक्षण कायदा अंमलात. हेमंत सोरेन यांना अटक झाल्यानंतर झारखंडचे १२वे मुख्यमंत्री म्हणून चंपई सोरेन यांचा शपथविधी झाला आणि. तुर्की आणि सीरियात भूकंपात मोठी जीवितहानी तर अमेरिकेत मोठे वादळ धडकून गेले.

मार्च -
लोकसभा निवडणुकांचा बिगुल वाजला. इस्रोने ‘पुष्पक’ नावाच्या पुनर्वापर योग्य प्रक्षेपण वाहनाची तिसरी मोहीम यशस्वीपणे पार पाडली. ताडोबा महोत्सवात महाराष्ट्र वनविभागाचे गिनीज वल्ड रेकॉर्ड केला. कोलकाता येथे भारतातील पहिल्या अंडरवॉटर मेट्रो लाइनचे पंतप्रधानांच्या हस्ते उद्घाटनही याच महिन्यात झाले. सौदी अरेबियाने अधिकृतपणे मिस युनिव्हर्स स्पर्धेत प्रवेश केल्याची ऐतिहासिक घटनाही मार्चमध्ये घडली.

एप्रिल -
पंतप्रधान नरेंद्र मोदी यांच्या अध्यक्षतेखालील मंत्रिमंडळाने मराठी, पाली, प्राकृत, आसामी, आणि बंगाली या भाषांना अभिजात भाषेचा दर्जा देण्याच्या प्रस्तावाला मान्यता दिली. लोकसभेच्या सात टप्प्यातील निवडणुकांना १९ एप्रिलपासून प्रारंभ झाला. फ्रान्समध्ये राष्ट्राध्यक्ष निवडणुकीची पहिली फेरी पार पडली. तैवानमध्ये भूकंपामुळे मोठी हानी झाली. नाटोच्या स्थापनेला ७५ वर्षे पूर्ण. रिझर्व्ह बँक ऑफ इंडियाच्या स्थापनेची नव्वदी. 

मे -
बिहारमध्ये मुख्यमंत्री नितीशकुमार यांनी आरजेडी बरोबरची आघाडी तोडून भाजपाच्या साथीने पुन्हा सरकार स्थापन केले. ओडिशाच्या किनाऱ्याजवळ Su-30 लढाऊ विमानातून रूद्रएम-II या क्षेपणास्त्राची यशस्वी चाचणी करण्यात आली. सर्वाधिक पाहिल्या गेलेल्या इंडियन प्रीमियर लीगमध्ये मुंबई इंडियन्स विजेते ठरले. मुंबईत हाेर्डिंग काेसळून १७ जणांचा मृत्यू झाला. त्यानंतर राज्यभरातील हाेर्डिंगचा मुद्दा चर्चेत आला.

जून -
लोकसभेच्या निवडणुकांचा आणि विधानसभांच्या निवडणुकांचा निकाल जाहीर झाले अन् नरेंद्र मोदी तिसऱ्यांदा भारताच्या पंतप्रधानपदी विराजमान झाले. आंध्र प्रदेशमध्ये सत्ताधारी वायएसआर काँग्रेस पक्षाला विधानसभा निवडणुकीत तेलुगू देसम पक्षाच्या नेतृत्वाखालील एनडीएकडून पराभव. ओदिशात २४ वर्षांची बिजू जनता दल (बीजेडी) ची सत्ता भाजपने उलथवून लावली. अर्जेंटिनाने ब्राझीलचा पराभव करून फिफा वर्ल्ड कपमध्ये जेतेपद मिळवले.

जुलै -
केंद्र सरकारने २५ जून हा दिवस ‘संविधान हत्या दिवस’ म्हणून घोषित केला. ग्लोबल क्लायमेट चेंज समीटमध्ये जगभरातील नेते हवामान बदल कमी करण्याच्या धोरणांवर चर्चा करण्यात आली. भारताने राष्ट्रीय आरोग्य धोरण सादर. तैवानवरून चीन आणि अमेरिका यांच्यातील तणाव वाढला. मध्य पूर्वेतील भू-राजकीय तणाव आणि प्रमुख देशांकडून अपेक्षेपेक्षा कमी तेलाचे उत्पादन झाले. पण, भारताच्या शेअर बाजाराने लक्षणीय वाढ नोंदविली.

ऑगस्ट -
पॅरिस २०२४ ऑलिम्पिक स्पर्धेत भारताने १० पदके जिंकून ऐतिहासिक कामगिरी केली. त्यातही गाजली मनु भाकर. बांगलादेशमध्ये विद्यार्थ्यांनी आंदोलन उभे केले आणि शेख हसीना यांना पायउतार व्हावे लागले. त्यांना देशही सोडावा लागला. भारत आणि बांगलादेशसह दक्षिण आशियामध्ये पावसाळ्यात मोठ्या प्रमाणात पुराचा सामना करावा लागला.इस्रोने ग्रहांच्या शोधात संशोधन वाढवण्याच्या उद्देशाने यशस्वी मंगळ मोहीम सुरू केली.

सप्टेंबर -
पंतप्रधान मोदी यांच्याकडून केंद्रीय मंत्रिमंडळात मोठे फेरबदल. अमेरिकन अध्यक्षीय निवडणूक मोहिमांना सप्टेंबरमध्ये वेग आला. जागतिक पुरवठा साखळीतील व्यत्यय आणि आशियातील वाढत्या मागणीमुळे तेलाच्या किमती १०% ने वाढल्या. दुसऱ्या तिमाहीत भारताचा जीडीपी विकासदर ६.८%. इस्रोने मंगळ मोहिमेचा तिसरा टप्पा यशस्वीरीत्या पूर्ण केला. आशिया कप २०२४ मध्ये अंतिम सामन्यात पाकिस्तानला हरवून भारत विजयी.

ऑक्टोबर -
केंद्रीय शिक्षण मंत्रालयाकडून एनईपी अंतर्गत सुधारणा करण्यात आल्या. संयुक्त राष्ट्रांच्या मध्यस्थीखाली इस्रायल आणि पॅलेस्टाईनमध्ये महत्त्वपूर्ण शांतता चर्चा, युद्धबंदीवर सहमती. एका दशकानंतर जम्मू-काश्मीरने विधानसभेच्या निवडणुका झाल्या. ४९ जागांसह नॅशनल कॉन्फरन्स-काँग्रेस आघाडीला ऐतिहासिक जनादेश मिळाला. ओमर अब्दुला मुख्यमंत्रिपदी विराजमान झाले.   महाराष्ट्र विधानसभेच्या निवडणुका जाहीर झाल्या.

नोव्हेंबर -
महाराष्ट्र विधानसभा निवडणुका एकाच टप्प्यात पार पडल्या आणि भाजपच्या नेतृत्वाखालील महायुतीचा विजय झाला. वायनाडची लोकसभा पोटनिवडणूक प्रियांका गांधी यांनी जिंकली. डोनाल्ड ट्रम्प अमेरिकेच्या राष्ट्राध्यक्षपदी दुसऱ्यांदा विजयी झाले. अमेरिका आणि युरोपीय राष्ट्रांसह अनेक देशांत महागाईचा सामना करण्यासाठी शिखर बँकांकडून व्याजदर वाढ करण्यात आली. त्याचा मोठा फटका बाजारांना बसला. 

डिसेंबर -
माजी पंतप्रधान मनमोहन सिंग, तबलावादक उस्ताद झाकिर हुसैन, समांतर चित्रपटांचे दिग्दर्शक शाम बेनेगल, ओसामा सुझुकी यांचे निधन झाले. दक्षिण कोरियांचे विमान कोसळून १७९ प्रवासी ठार. महाराष्ट्राच्या मुख्यमंत्रिपदी देवेंद्र फडणवीस विराजमान झाले. भारताच्या कोनेरू हम्पीने रविवारी ऐतिहासिक दुसऱ्यांदा जागतिक जलद (रॅपिड) बुद्धिबळ अजिंक्यपद स्पर्धेचे जेतेपद मिळवले. इस्राेचे स्पेडेक्स मिशन लाॅंच, अंतराळ डाॅकिंगमध्ये भारत चाैथा देश.