धुळीचे वादळ धडकले; संपूर्ण उत्तर भारतात हाय अलर्ट

हवामान खात्याने अंदाज वर्तविल्यानुसार सोमवारी संध्याकाळी धुळीचे वादळ चंदीगड, पंजाब, हरयाणा आणि राजस्थानमध्ये धडकले. धुळीचे पर्वत अंगावर कोसळावे अशा आकारात आलेल्या वादळाने अनेक जिल्ह्यांमध्ये क्षणात अंधार करुन टाकला. काही ठिकाणी वादळी वाऱ्यासह पाऊसही झाला.

नवी दिल्ली : हवामान खात्याने अंदाज वर्तविल्यानुसार सोमवारी संध्याकाळी धुळीचे वादळ चंदीगड, पंजाब, हरयाणा आणि राजस्थानमध्ये धडकले. त्यानंतर रात्री या वादळाचा तडाखा दिल्ली आणि उत्तर प्रदेशातही बसला. या वादळामुळे दिल्ली आणि उत्तर प्रदेशात वेगाने वारे वाहत असून, अनेक ठिकाणी वीजपुरवठा खंडित झाला आहे.  

धुळीचे पर्वत अंगावर कोसळावे अशा आकारात आलेल्या वादळाने अनेक जिल्ह्यांमध्ये क्षणात अंधार करुन टाकला. काही ठिकाणी वादळी वाऱ्यासह पाऊसही झाला. तसेच वादळी वा-यामुळे अनेक ठिकाणी वीजही गेली होती. राजस्थानात आणि हरयाणात याचा सर्वाधिक फटका बसला. दरम्यान, रात्री हे वादळ दिल्ली आणि उत्तर प्रदेशपर्यंत पोहोचले. या वादळामुळे वेगाने वाहणाऱ्या वाऱ्यांसोबत मुसळधार पावसाचा तडाखाही उत्तर भारतात बसला. 

#WATCH: Dust storm hits Delhi's RK Puram. According to India Meteorological Department (IMD) a spell of rain/ thunderstorm accompanied with squall (wind speed 50-70 kmph) likely to occur over Delhi and NCR during next 3 to 4 hours. pic.twitter.com/xXc7AHHs5T

— ANI (@ANI) May 7, 2018

70 किमी वेग
एवढ्या गतीने उत्तर भारतात वादळी वारे वाहतील असा इशारा हवामान खात्याने वर्तविला आहे. गरज नसल्यास घराबाहेर पडू नये, असा सावधानतेचा इशाराही देण्यात आला आहे.

#WATCH: Massive dust storm hits Uttar Pradesh's Meerut. All educational institutions to remain closed today due to thunderstorm alert for the region. pic.twitter.com/61WhZgXbon

— ANI UP (@ANINewsUP) May 7, 2018

15 राज्यांना फटका
या वादळाचा हरयाणा, राजस्थान, पंजाब, उत्तर प्रदेश, हिमाचल प्रदेश, उत्तराखंड, सिक्कीम, पश्चिम बंगाल, जम्मू-काश्मिर आणि दिल्लीसह १५ राज्यांना फटका बसणार आहे.

दिल्लीत शाळा बंद : दिल्ली सरकारने वादळ धडकणार असल्याने खबरदारी म्हणून सायंकाळच्या शाळांना सुट्टी देण्याचा निर्णय घेतला. तसेच आपत्कालीन परिस्थितीत मदत करण्यासाठी एक टीमही तयार ठेवली आहे.