नवी दिल्ली : बेशिस्त ड्रायव्हिंग आणि वाढत्या अपघातांना चाप लावण्यासाठी 'ग्रेड' आधारित ड्रायव्हिंग लायसन्स प्रणाली लागू करण्यात येणार असल्याची घोषणा केंद्रीय रस्ते वाहतूक मंत्री नितीन गडकरी यांनी केली आहे. या प्रणालीत नियम मोडणाऱ्यांच्या लायसन्सवरील 'पॉइंट्स' कापले जातील व वारंवार चुका केल्यास लायसन्स रद्द केले जाईल.
गडकरी यांनी सांगितले की, प्रत्येक वाहनचालकाच्या परवान्याला ठरावीक 'पॉइंट्स' दिले जातील. सिग्नल तोडणे, ओव्हरस्पीडिंग किंवा वाहन चालवताना मोबाइलवर बोलणे अशा चुका केल्यास हे पॉइंट्स कापले जातील. जर सर्व पॉइंट्स संपले, तर संबंधित चालकाचा परवाना सहा महिन्यांसाठी निलंबित केला जाईल. गंभीर गुन्हा असेल तर परवाना कायमचा रद्द केला जाईल.
अपघातग्रस्तांवर मोफत 'कॅशलेस' उपचार
गडकरी यांनी सांगितले की, अपघातग्रस्तांना मदत करण्यास तसेच उपचार खर्चास घाबरू नका. 'पीएम राहत योजनें'तर्गत जखमींना १.५ लाखांपर्यंतचे कॅशलेस उपचार मोफत दिले जातात. अपघातानंतरच्या पहिल्या सात दिवसांचा खर्च सरकार उचलते.
अपघातांची आकडेवारी
गडकरींनी सांगितले की, देशात दरवर्षी ५ लाख अपघात होतात. १.८ लाख लोक जीव गमावतात. मृतांमध्ये १८ ते ४५ वयोगटातील तरुणांचे प्रमाण ७२% आहे. १८ वर्षांपेक्षा कमी वय असलेल्या मृतांचा आकडा १०,११९ आहे. विना हेल्मेट ५४ हजार, तर विना सीटबेल्ट १४ हजार लोकांचा मृत्यू झाला आहे.
Web Summary : New 'grade' system for licenses will penalize reckless drivers. Points deducted for violations lead to suspension or permanent license cancellation. Accident victims get cashless treatment up to ₹1.5 lakh. High accident fatalities, especially among young adults, are a major concern, says Gadkari.
Web Summary : लाइसेंस के लिए नई 'ग्रेड' प्रणाली लापरवाह ड्राइवरों को दंडित करेगी। उल्लंघन के लिए अंक काटे जाएंगे जिससे निलंबन या स्थायी लाइसेंस रद्द हो सकता है। दुर्घटना पीड़ितों को ₹1.5 लाख तक का कैशलेस इलाज मिलेगा। गडकरी का कहना है कि युवा वयस्कों में दुर्घटना में होने वाली मौतों की उच्च दर एक बड़ी चिंता है।