बागेश्वर धामचे पीठाधीश्वर धीरेंद्र कृष्ण शास्त्री शुक्रवारी एक दिवसाच्या काशी दौऱ्यावर होते. यावेळी त्यांनी जागतिक स्तरावर पसरलेल्या अशांततेवर भाष्य करताना भारतीय सनातन संस्कृतीचे महत्त्व सांगितले. "जर संपूर्ण जगात शांती प्रस्थापित करायची असेल, तर तसा मार्ग केवळ भारत आणि येथील सनातन संस्कृतीच दाखवू शकते," असे धीरेंद्र कृष्ण शास्त्री यांनी म्हटले आहे. दरम्यान, त्यांनी आपल्या मातोश्रींसह श्री काशी विश्वनाथ मंदिरात दर्शन घेऊन पूजा-अर्चना केली.
"डोनाल्ड ट्रम्प हे भरवशाचे नेते नाहीत" -यावेळी, धीरेंद्र कृष्ण शास्त्री यांनी अमेरिकेचे राष्ट्राध्यक्ष डोनाल्ड ट्रम्प यांच्यावर सडकून टीका केली. "डोनाल्ड ट्रम्प हे भरवशाचे नेते नाहीत," असे ते म्हणाले. याच वेळी, "ट्रम्प यांच्या बोलण्यात सातत्य नसते; ते संध्याकाळी एक बोलतात आणि सकाळी दुसरेच काही बोलतात. अशा व्यक्तीवर विश्वास ठेवता येत नाही. ज्या प्रकारे त्यांनी आपल्या अधिकारांचा गैरवापर करून 'टॅरिफ वॉर' सुरू केले, त्यावरून ते जगात अशांतता पसरवू पाहत असल्याचे त्यांच्या कार्यप्रणालीतून स्पष्ट होते", असा आरोपही धीरेंद्र शास्त्री यांनी यावेली केला.
"गंगा, गौ आणि गीता यांच्याशी संबंधित कोणत्याही विषयाला आमचा पूर्ण पाठिंबा" -गौसंरक्षण आणि गाईला 'राज्यमाता' दर्जा देण्याच्या मुद्द्यावर त्यांनी शंकराचार्य अविमुक्तेश्वरानंद यांना पाठिंबाही दर्शवला आहे. "गंगा, गौ आणि गीता यांच्याशी संबंधित कोणत्याही विषयाला आमचा पूर्ण पाठिंबा असेल," असे त्यांनी स्पष्ट केले. शंकराचार्यांनी गाईचा मुद्दा उचलला असून, एक गोसेवक म्हणून आपण त्यांना नैतिक पाठिंबा देत आहोत. असे ते म्हणाले. तसेच, सनातन विचारधारेमध्येच जगाचा समतोल राखण्याची ताकद आहे, तेही त्यांनी यावेली ठामपणे सांगितले.
Web Summary : Dhirendra Shastri criticized Trump as unreliable, citing inconsistent statements and tariff wars. He asserted that India's Sanatan culture holds the key to global peace and supported cow protection efforts, aligning with Shankaracharya's views.
Web Summary : धीरेंद्र शास्त्री ने ट्रम्प को अविश्वसनीय बताते हुए उनकी असंगत बयानों और टैरिफ युद्धों की आलोचना की। उन्होंने जोर देकर कहा कि भारत की सनातन संस्कृति वैश्विक शांति की कुंजी है और शंकराचार्य के विचारों के साथ गौ संरक्षण प्रयासों का समर्थन किया।