अजित डोवाल रुबियोला इशारा देण्यासाठी अमेरिकेत गेले होते? केंद्र सरकारने दिले स्पष्टीकरण

गेल्या वर्षी फेब्रुवारीमध्ये, पंतप्रधान नरेंद्र मोदी आणि राष्ट्राध्यक्ष डोनाल्ड ट्रम्प यांनी व्यापार संबंध अधिक मजबूत करण्याची तयारी करत एक मोठा करार जाहीर केला होता. शिवाय, द्विपक्षीय व्यापार 500 अब्ज डॉलर पर्यंत नेण्याचे लक्ष्य ठेवण्यात आले होते.

परराष्ट्र मंत्रालयाने राष्ट्रीय सुरक्षा सल्लागार अजित डोवाल यांच्या अमेरिका भेटीच्या वृत्तांचे खंडन केले आहे. अशी कोणतीही भेट झाली नसल्याचे सरकारकडून स्पष्टीकरण दिले आहे. अमेरिका भेटीदरम्यान डोवाल यांनी परराष्ट्र सचिव मार्को रुबियो यांना सांगितले होते की भारत धमक्यांपुढे झुकणार नाही, असा दावा करण्यात आला होता. भारत आणि अमेरिका यांच्यात व्यापार करार झाला आहे, पण करारावर अद्याप स्वाक्षरी होणे बाकी आहे. राष्ट्राध्यक्ष डोनाल्ड ट्रम्प यांनी शुल्क ५० टक्क्यांवरून १८ टक्के करण्याची घोषणा केली आहे.

डोवाल यांनी अमेरिकेला असा कोणताही दौरा केलेला नाही. डोवाल यांनी गेल्या सप्टेंबरमध्ये व्यापार करारावर वाटाघाटी पुन्हा सुरू करण्यासाठी वॉशिंग्टनला भेट दिली होती आणि भारत व्यापार करार पूर्ण करण्यासाठी राष्ट्राध्यक्ष ट्रम्प यांचा कार्यकाळ संपेपर्यंत वाट पाहणार असल्याचा दावा ब्लूमबर्गच्या अहवालात केला होता.

Video: भाचाच्या पहिल्या वाढदिवनिमित्त मामाकडून 11 लाख रोख, दागिने, हायवेलगत प्लॉट अन्...

परराष्ट्र मंत्रालयाचे प्रवक्ते रणधीर जयस्वाल पत्रकार परिषदेत सांगितले की, "ब्लूमबर्गच्या अहवालाबाबत, मी हे सांगू इच्छितो की त्या अहवालाला कोणताही आधार नाही. अशी कोणतीही बैठक किंवा अशी कोणतीही भेट झालेली नाही."

दावा काय होता?

 डोवाल यांनी अमेरिकेला भेट दिली होती आणि रुबियो यांची भेट घेतली होती. डोवाल यांनी रुबियो यांना सांगितले की भारत अमेरिकेचे अध्यक्ष ट्रम्प आणि त्यांच्या वरिष्ठ सहाय्यकांच्या धमक्यांपुढे झुकणार नाही आणि नवी दिल्ली ट्रम्प यांचा कार्यकाळ संपेपर्यंत वाट पाहण्यास तयार आहे, असा दावा यामध्ये केला होता.

भारत-अमेरिका संबंध

गेल्या वर्षी फेब्रुवारीमध्ये, एक मोठा करार जाहीर करण्यात आला. पंतप्रधान नरेंद्र मोदी आणि राष्ट्राध्यक्ष ट्रम्प व्यापार संबंध अधिक मजबूत करण्याची तयारी करत होते. शिवाय, द्विपक्षीय व्यापार 500 अब्ज डॉलरपर्यंत वाढवण्याचे लक्ष्य ठेवण्यात आले होते. त्यानंतर, मार्चमध्ये, केंद्रीय मंत्री पियुष गोयल यांनी अमेरिकेला भेट दिली आणि अनेक उच्चस्तरीय बैठका घेतल्या.