Delhi Violence: पोलिसांवर पिस्तुल रोखून ८ राऊंड फायर करणाऱ्या शाहरुखला अटक
By ऑनलाइन लोकमत | Published: March 3, 2020 01:31 PM2020-03-03T13:31:11+5:302020-03-03T13:55:59+5:30
व्हिडीओ व्हायरल होताच शाहरुख कुटुंबासोबत झाला होता फरार
Delhi Violence: पोलिसांवर पिस्तुल रोखून ८ राऊंड फायर करणाऱ्या शाहरुखला अटक
नवी दिल्ली: दिल्लीत हिंसाचार सुरू असताना पोलिसांवर पिस्तुल रोखणाऱ्या शाहरुखला अटक करण्यात आली आहे. दिल्लीतल्या हिंसाचारादरम्यान शाहरुखचा फोटो व्हायरल झाला होता. त्याला अटक करण्याची मागणी सातत्यानं केली जात होती. अखेर आज त्याच्या मुसक्या आवळण्यात आल्या. उत्तर प्रदेशच्या शामलीमधून त्याला अटक करण्यात आल्याची माहिती मिळाली आहे. शाहरुखनं पोलिसांच्या दिशेनं पिस्तुलच रोखलं नव्हतं, तर त्यानं आठ राऊंड फायरदेखील केल्या होत्या. अटकेपासून वाचण्यासाठी तो फरार झाला होता.
Shahrukh, the man in red t-shirt who had opened fire at police during violence in North East Delhi on 24th February, has been arrested by Delhi Police Crime Branch from Uttar Pradesh. pic.twitter.com/aSCcTKolkc
— ANI (@ANI) March 3, 2020
दिल्लीतल्या जाफराबादमध्ये हिंसाचार सुरू असताना मोहम्मद शाहरुखनं पोलीस हवालदार दीपक दहिया यांच्यावर पिस्तुल रोखलं होतं. शाहरुखनं आठ राऊंड फायरदेखील केल्या होत्या. शाहरुखचा हा व्हिडीओ सोशल मीडियावर व्हायरल झाला होता. यानंतर पोलिसांनी शाहरुखचा शोध सुरू केला. मात्र तो त्याच्या कुटुंबासोबत फरार झाला. पोलिसांनी आज त्याला शामलीमधून ताब्यात घेतलं. आता त्याला दिल्लीला आणलं जात असून थोड्याच वेळात पत्रकार परिषद घेऊन पोलीस या संदर्भातली माहिती देणार आहेत.
Shahrukh, the man who had opened fire at police during violence in North East Delhi on 24th February, has been arrested by Delhi Police Crime Branch from Uttar Pradesh. https://t.co/y6JOtr8pFlpic.twitter.com/oeeD6QIynl
— ANI (@ANI) March 3, 2020
शाहरुख दिल्लीमधल्या उस्मानपूरचा रहिवासी आहे. शाहरुखसोबत त्याचं कुटुंबदेखील फरार झालं. त्याच्या कुटुंबात आई, वडील आणि एक मोठा भाऊ आहे. शाहरुखला अटक करण्यात यश आलं असलं तरी अद्याप त्याच्या कुटुंबातल्या सदस्यांचा ठावठिकाणा सापडलेला नाही. शाहरुखचे वडील साबिर यांची गुन्हेगारी पार्श्वभूमी असल्याची माहिती पोलिसांनी दिली. अमली पदार्थ विक्रेत्यांशी संबंध असल्यानं त्यांना एकदा तुरुंगवासदेखील घडला आहे.
