Delhi Blast: दिल्ली बॉम्बस्फोट प्रकरणी महत्त्वाची अपडेट, संशयितांना कार विकणारा डीलर ताब्यात!
By ऑनलाइन लोकमत | Updated: November 12, 2025 12:30 IST2025-11-12T12:27:40+5:302025-11-12T12:30:12+5:30
Delhi Red Fort Blast Updates: दिल्ली बॉम्बस्फोट प्रकरणी महत्त्वाची माहिती समोर आली.
Delhi Blast: दिल्ली बॉम्बस्फोट प्रकरणी महत्त्वाची अपडेट, संशयितांना कार विकणारा डीलर ताब्यात!
१० नोव्हेंबर रोजी दिल्लीतील लाल किल्ल्याजवळ झालेल्या भीषण बॉम्बस्फोटाचा तपास आता गतीमान झाला आहे. सूत्रांनी दिलेल्या माहितीनुसार, तपास यंत्रणांनी या स्फोटात वापरलेल्या कारशी संबंधित एका व्यक्तीला ताब्यात घेतले आहे. याप्रकरणी अधिक माहिती समोर येण्याची शक्यता आहे.
राष्ट्रीय तपास यंत्रणा बॉम्बस्फोटाच्या तळापर्यंत पोहोचण्याचा प्रयत्न करत आहेत. एएनआय वृत्तसंस्थेनुसार, हरियाणातील फरीदाबाद येथील एका कार डीलरला पोलिसांनी ताब्यात घेतले आहे. या डीलरनेच संशयित डॉ. उमर उन नबी आणि तारिक अहमद मलिक यांना स्फोटात वापरलेली हुंडई आय२० कार विकली होती. सध्या या डीलरची कसून चौकशी सुरू आहे.
Blast near Red Fort in Delhi on 10th Nov | The car dealer in Faridabad, Haryana, who had sold the Hyundai i20 car to suspects Dr Umar Un Nabi and Tariq Ahmad Malik has been detained and is being questioned by the Police: Sources
— ANI (@ANI) November 12, 2025
अनेक निष्पाप लोकांचा मृत्यू
१० नोव्हेंबर रोजी संध्याकाळी ७ वाजता दिल्लीच्या लाल किल्ल्याजवळ एका कारमध्ये हा स्फोट झाला. या स्फोटात अनेक निष्पाप लोकांना आपला जीव गमवावा लागला. तर, अनेकजण जखमी झाले. या घटनेमुळे संपूर्ण देशभरात खळबळ उडाली असून, त्वरित देशभरात हाय अलर्ट जारी करण्यात आला.
तपास सुरू
मिळालेल्या माहितीनुसार, डॉ. मुझम्मिल आणि डॉ. आदिल अहमद दार यांना अटक करण्यात आली असून, सध्या डॉ. मुझम्मिलची चौकशी सुरू आहे. तपास यंत्रणा या प्रकरणातील सखोल माहिती आणि इतर संभाव्य नेटवर्कचा शोध घेण्यासाठी तातडीने कारवाई करत आहेत.